:: منـــــوعــــات ::

مرحبا

بحكيلكم قصص من هنا وهناك

::

::

عندي 3 من عيال اختي الله يحفظهم

اذا كنتوا تحتاجون لموود موسيقي تعالوا عندهم

وأهم شي لما ياكلون لوول

كل أحد فيهم يعزف سنفونية غير شكل

اللي عالعود واللي عالكمان واللي عالبيانو

وطول الوقت اقعد اسكّت فيهم

عيب يابابا

عيب ياماما

محد يطّلع صوت لما ياكل

عيب تفتح حلجك وانت تاكل

والله لين ما استحي من كثر ما انصح فيهم

وان سكتت عنهم وواحد سمع صوت من الثاني من غير ما اعلّق

يقولون خالة عيون اسمعي فلان يطلع صوت

وخالة عيون ليش ما تسكتين هذا

وخالة عيون شوفي هذا يتكلم وفي حلجه أكل

لين أكره عمري وماشي اي فايدة ترجى

الله يحفظهم يارب

::

::

يوم من كثر الملل اخترعنا لعبة وانا وخالتي

على شكل قصة بس لازم من كلمتين او ثلاث بالكثير

والكلمات تنتهي بحرف الراء

ومن ثلاث حروف بس وندلعها بعد

اعطيكم مثال

رحت البحر

شويت عالجمر

على ضوء القمر

جنب الشجر

ولعبت بالحجر

وبنيت قصر

وكلّمت بدر

سألته عن سحر

وما إلى آخره

يعني قصة من هالنوع

بس مانكرر الكلمات اللي نستخدمها

شو ضحك في ضحك

والله وناسة

لووووووووول

كملوا بعد سؤالي عن سحر لوول

::

::

خواتي من فترة كانوا ينتظرونا في السيارة

نزلنا انا وامي بتزور ربيعتها في المستشفى

من كثر الملل دورا على لعبة يلعبونها

اللعبة كانت من باب الصدفة

وبنت عم اللعبة اللي فوق

اختي الصغيرة قالت شي فيه رقم 2 بالانجليزي

يعني قالت توو

قامت اختي تقول

توو ولاّ ون

ون ولا فور

فور ولا اكشن

اكشن ولا ثري

بدوا بقنوات التلفزيون

ومنها وطالع

بس اخوي الصغير مسكين مافهم اللعبه

كان يقول تسبحتوا لا بتتسبحون

نمتوا ولا بتنامون

لووووووووول

نحن هني ماقدرنا نكمل اللعبة

حليله مشتط وبصوته كله يلعب

وهم مب فاهم الطبخة من الأساس لوول

::

::

بنت أختي الصغيرونة

بعدها مصرّة كل ما احط السجادة عشان اصلي

تجي من اخر مكان وتنسدح لوول

قبل يومين وقفتها تصلي بجنبي

سجدت وماقامت لوووووول

خلتني اصلي على جنب

وتكلمني تقولي ماما ماما

وانا قلبي يعتصر ودي ارد عليها بس مب قادرة

ومسكينه تيأس وتشل عمرها

او أحد يسحبها غصب وتصيح

فديت قلبها والله

::

::

واخيرا

شكلي مصختها

حبيت اشكر المصري الشهم اللي صدق احترمته

ودعيتله من قلبي

كنت في دبي

ووقفنا في موقف عليه رسوم دفع

دفعنا لساعة وطلعنا للمحل

خلصت الساعة نزلت ادفع مرة ثانية

المكان اللي المفروض ادخل الدرهم فيه مادري بلاه مقفل

لفيت يمين يسار اشوف ماشي فايدة

اشوي يمر من جنبي ويسألني

عايزة خدمة

انا اي الدرهم مايدخل

حاول بعد ماشي فايدة

قالي خلاص اروح اجيب لج من الماكينه الثانية اللي عالطرف الثاني

راح وحليله وجاب التذكرة

صدق كبر في عيني واحترمته

شهم واصيل

والله ماكنت اعرف شو بسوي

وان مادفعنا كانوا بيصكونا مخالفة 150 درهم

الله يسعدك ويهنيك وين ماتكون يامصري

::

::

وووووووووووبس

خلصت المواقف

بسني قرقة على قولة الكويتين

تعجبني الكلمة لوول