:: كل عام والكويت بخير ::

by

myflag.jpg

اليوم وبـ تاريخ 25 فبراير تحتفل دولة الكويت الشقيقة باليوم الوطني
وغدا 26 فبراير تحتفل بـ يوم التحرير

حبيت أضيف لـ فرحتهم فرحتي وأضم صوتي لـ صوتهم
لأنه فعلا تخالطي مع الشعب الكويتي خلاني اعرف صورة مختلفة جدا عن اللي ترسمها لنا المسلسلات

للأمانة ,, ما كنت أحب الشعب الكويتي ,, وكانت دائما تتجسد لي الصورة اللي أشوفها في التلفزيون
بس بعد ما اختلطت معاهم ,, صدق صدق حبيتهم ,, وافتخر اني تعرفت عليهم

 من كثر حبي لها ودي أروح لها ,, وكانت الخطة على وشك التنفيذ
بس الظروف اللي قعدتني في البيت ,, وخلّت أخوي وخالي يروحون ههههه

كان ودي بهاللحظة أكون معاهم ,, احتفل واستانس
أعد فرحتي من فرحتهم ,, وأناستي من أناستهم (هذي كلمتهم سرقتها هههه)

من كثر حبي لها ,, ومن بعد ما تعلمت هالكلمات
صرت دايما أرددها ,, وبصوت عاااالي أقول الله ياكويت انتِ الحياة

وطني حبيبي وطني الغالي
وطني النجم العالي وطني
شعلة مضيئة كلمة جريئة
وطني وطني الغالي وطني

الله الله يا شمس الحياة
يا كويت يا كويت يا نبض الحياة
الله يا كويت يا كويت الله
الله يا كويت انت الحياة

وطني حبيبي وطني الغالي
وطني النجم العالي وطني
شعلة مضيئة كلمة جريئة
وطني وطني الغالي وطني
يا كويت ,, الله الله يا كويت
يا كويت ,, الله الله يا كويت

أنا
أنا كويتي أنا كويتي أنا
أنا النظرة أنا الفكرة
أنا كويتي أنا
أنا كويتي أنا
أنا كويتي أنا


أنا كويتي أنا كويتي أنا كويتي أنا
أنا الهمه لي الكلمة
أنا كويتي أنا
أنا كويتي أنا
أنا كويتي أنا

الله الله ,, يا أرض أهلي و أجدادي
الله الله ,, يا أفراحي و أعيادي
الله الله يا كويت الله

درة ولها قلب من ذهب
دره دره
حبها في القلب انكتب
الكويت الكويت
حره وما تعرف صعب
حره حره
راية في عيون العرب
الكويت الكويت


الله الله يا أرض أهلي و أجدادي
الله الله يا أفراحي و أعيادي
يا حب ما يعده عدد

يا شوق ما بعده بعد
منصورة في الصورة
والحافظ الله يا كويت
يا كويت يا كويت

ما أعرف شو أقول ,,
كل عام وانتي بخير ياكويت
والشعب الكويتي بألف صحة وعافية

ويا الشعب الكويتي ,, اريد دعوة صغيرونة منكم
أدعولي بس أزور الكويت =)

تحياتي القلبية لكم
وعسى أيامكم كلها فرح وسعادة

11 تعليق to “:: كل عام والكويت بخير ::”

  1. Perfect Says:

    دمعت عيوني يوم قريته .. :happycry:
    وهذي دعوة من القلب ..
    ” يا رب تزورين الكويت بأقرب وقت إن شاء الله ” 🙂 ~

  2. عيون الحب Says:

    بيرفكت ..

    سعيدة بتواجدج الأول وان شاء الله مو الأخير في مدونتي
    والله لأنكم تستاهلون حبيبتي
    والله يسمع منج يارب وأزروكم🙂
    حياج الله
    =)

  3. Mai Says:

    حبيــــــــــــــــــــــــــــــــــــــــــــــــــــــــــــــــــــــــــتي والله !!
    ونستييييييييييييييييييييييييييييييييييييني صج صج !!

    المسلسلات أكبر كذبة عالمية لا تصدقونها😦 احنا أحلى شعب بالعالم p:

    يارب يارب تزورين الكويت قريبااااااااااااا و دقي علي عشان امشيج و اطلعج و اسولفلج عن الكويتين D:

    ماقصرتي على هالمشاعر الرقيقة يالطيبة .. من ذوووقج والله

    وأناستي من أناستهم << وناستي من وناستهم😉

  4. عيون الحب Says:

    مي

    عساج دوم مستانسة مو يوم
    خلاص صار لما ازور الكويت بكلمج لوووول
    تسلمين عيوني على مرورج
    ووناستي من وناستهم😉

    حياج الله
    =)

  5. حلمي معي Says:

    كل سنو والكويت بخير
    وتنعاد عليها الافراح والامان ياااااارب

    شاكره لك مشاركتك الحيه

    خليجنا واجد
    وشعبنا واحد🙂

  6. عيون الحب Says:

    حلمي معي

    شاكرة لج روحج الحلوة
    تحياتي لج
    =)

  7. barrak Says:

    صج من قال خليجنا واحد

    اسف على التأخير بس بصراحه شي يشرح الصدر لما يتكلمون عن بلدك بهذا الصدق
    ومن ناس راقيه

    دائما اهل الامارات اخل الطيبه والوفى
    ومثل ماقلتي وطني جبيبي انا دايما اردد
    يد وحده من عقب سبعة ايادي
    عاش زايد عاش قايد الاتحاد

  8. عيون الحب Says:

    براك

    حياك الله بأي وقت أخوي
    وتسلم على هالرد الراقي

    والله يرحم الشيخ زايد ,, والشيخ جابر
    =)

  9. SHAHAD Says:

    ما تتصورين شكثر فرحني هالبوووست
    عساااج دووم بخير وبصحة وعاافية
    وإن شاااء الله ياارب تزورين الكويت وتنورينها فيج وبأهلج وبكل أهل الامارات :))
    أدري متأخرة .. بس أول ما قريت البوست قلت ضروري أرد وأشكرج عليه .. فرحتيني

  10. عيون الحب Says:

    شهووودة

    عساج دوم مستانسة مو يوم عيوني
    وان شاء الله ,, راح تكون لي زيارة للـ كويت بس متى الله يعلم
    وحياج الله بأي وقت ,, اليوم وكل يوم ,, بدري ولا متأخر
    =)

  11. همووووووووسه Says:

    حلووووووووه يسلمووووووووووووو

التعليقات مغلقة.


%d مدونون معجبون بهذه: