:: طقوس مذاكرة ::

by

السلام عليكم ورحمة الله وبركاته

بعد ما افتكيت من أيام الدراسة وواجباتها
رجعت ورا مع نجووو وواجبها بـ عنوان طقوس المذاكره
ووجهت لي 3 أسئلة:

س1: ما هو الطقس الذي تفعله عندما تذاكر؟

امممم صارلي قرب السنتين مخلصة دراسة
عشان أجاوب على هالسؤال لازم أعصر مخي
<<< ونزلت عصير خايس خخخ
كنت أفضّل دائما أقعد في مكان بروحي عشان أركز
ما أحب الإزعاج لأنه حيل يشتتني
وعن الموبايل كان ولا يزال حولي دائما
يعني حتى في دراستي كان حولي بس ماكنت استخدمه إلا للضرورة
أو لما أحس إني مليت وأريد بريك
يعني أهم شي كان الهدوء ثم الهدوء ثم الهدوء
وأحيانا ال
snacks لما أكون جوعانة وبس

س2: متى كان أصعب امتحان مر عليك؟

أذكر امتحانين في حياتي
واحد كان رياضيات ثالث إعدادي مع إني كنت أجيب درجات كاملة في الرياضيات دائما
بس طلعت منه وكنت أريد أصيح من كثر صعوبته وماذكر كم جبت فيه بس درجة زوينه
والامتحان الثاني كان ثالث سنه لي في الكلية الامتحان كان حده صعب
لأنه المادة حيل صعبة وجبت فيه لأول مرة في حياتي
C
كانت فاجعة العمر بصراحة بس الحمدلله شديت حيلي في البروجكت وجبت
A في النهاية🙂

س3: ما هو أطرف فعل فعلته أيام أمتحاناتك للهروب من المذاكرة؟

بصراحة أنا كنت طالبة مجتهدة وقلبي ماكان يطاوعني أهرب من المذاكرة
أو أطنش الدراسة ومن هالأمور
بس كنت لما أطفر من الدراسة أشوف التلفزيون أو أتكلم بالتيلفون
أو أقعد اشوي مع أهلي أسولف معاهم وبس
تم بعون الله وبحمده
>> في آخر كل صفحة من كتاب أدرسه خخ

الحين بمرر الواجب على كل من:

14 تعليق to “:: طقوس مذاكرة ::”

  1. سالم الامــــارات Says:

    وانا ليش ما مررتي علي الوااااجب انشالله؟؟؟؟؟؟؟؟

  2. عيون الحب Says:

    عاد تدري والله كنت اتشاور احط اسمك ولا لا
    بس شفت صارلك فترة عن مدونتك
    وماشفتك في مدونتي قلت اكيد ما بيشوف الموضوع من جي ماحطيته
    ولا تزعل تبي تحل الواجب حله
    واذا تبيني اعدل في الموضوع واحط اسمك بعد ماعندي مانع🙂

  3. NjOoo Says:

    شطوووووووووووووووره برافوا عليك
    وهذي نجمه كبيييييييييييره لك😀

    ماشااءلله عليييك باين عليك انك مجتهده ومثابره ^_^

    يسلمو ياقمــر .. وربي يوفقك دايم

    (F)

  4. Sara Says:

    خووووش اجوبة يعطيج العافية🙂 احلى ايام هي ايام الدراسة .. ايام لا تنسى ولا تنمحي من الذاكرة .. آآآآآه يا الجامعة ودي لو أرجع أدرس مرة ثانية🙂

  5. عابر سبيل Says:

    أنا كانت أصعب الإمتحانات عندي هي التي فيها معادلات الجا والجتا والظا والظتا، بسبب أحد المدرسين الذي ولد عقدة لدي من هذه الأمور

    أعتذر عن حل الأسئلة، دائما لدي إعتراضات على التمريرات , , , ,

    ربما يكون لي موضوع منفصل عن المذاكرة ، ،

  6. عيون الحب Says:

    نجووو

    ههههههه حلوة النجمة ذكرتيني لما كنت اراكض على 5 درجات في الرياضيات
    لما كانت المدرسة تقول اول وحدة تحل المسألة صح بعطيها 5 درجات
    ساعتها الصف يصير صالة رياضية خخ من كثر الركض فيها

    الله يسلمج حبوبة وحياج الله
    🙂

    ::
    ::

    سارة

    هلا حبوبة

    الله يعافيج وهيه والله أحلى الأيام
    اذا بايدنا كلنا ودنا نرجع لهذيك الأيام

    حياج حبوبة🙂

    ::
    ::

    عابر سبيل

    هههههههه اخ لا تذكرني بالرغب من اني كنت اعشق المسائل المعقدة
    وأحب اتحدى نفسي على حلهم بس الجا والجتا واخوانها وقفت عنهم
    طلعوا قروني بالرغم من المتعة في حلّهم خخ

    على راحتك وفي انتظار الموضوع ان شاء الله🙂

  7. Selezya Says:

    ياحلووج هههههه

    شخبارج وشعلومج🙂

    مبروك المدونة اليديده🙂

  8. radar Says:

    قبل أن أعلق على الموضوع ، أبارك لك المدونة الجديدة …

    في الواقع ذهبت إلى المدونة القديمة ، ذات الخلفية السوداء ، وفوجئت بانتقالك إلى الووردبريس ، وبخلفية ناصعة البياض … ( مجرد ملاحظة ) ..

    الكلام في الهاتف ، وسيلة سهلة للهروب دائماً من المذاكرة …
    لا أخفيك ، دائما أتخذها للهروب ، بحجة سؤال أحد زملائي …

    بالتوفيق دائماً

    في آمان الله

    رادار

  9. 7osen Says:

    يصير أمتنع عن الإجابة

    إنتي قلتي علشان تجاوبين لازم تعصرين مخج

    والصراحه انا علشان اجاوب لازم مو أعصر مخي إلا لازم أسويله إعادة معلومات

    ماتدرين إني أنسى بسرعة

    :))

    هههه

    إنت أجوبتج حلووة

    شاطرة

    على فكرة شخبار الشغل
    مافي شي يديد
    🙂

    تحياتي عزيزتي

    وأسف على التأخير بالتعليق
    كنت شوي مشغوول

  10. عيون الحب Says:

    سيليزية

    الحلو مرورج
    وانا بصحة وعافية الحمدلله
    والله يبارك فيج

    ::
    ::

    رادار

    الله يبارك فيك
    بس المدونة القديمة بعد ماكانت سوداء صارت خضراء
    بعدين انتقلت للورد بريس للخلفية البيضاء🙂

    اي والله احيانا نتحجج بسؤال بسيط ينقلب لسوالف وفرفشة
    الله يسمع منك ويوفقك في دراستك

    ::
    ::

    حسين

    هههههههههههه دام السالفة فيها اعادة معلومات يصير أعفيك من الاجابة
    الأحلى مرورك أخوي

    وعن الشغل والله لين الحين ماشي جديد
    خلصت فترة تدريب شهرين واسبوعين واليوم أول يوم أقعد فيه في البيت

    ولا تتأسف كل انسان وله ظروفه🙂

  11. فانكوفر Says:

    عيون الحب
    اشحااااااااااااااااااااااالج

    اتصدقين ماره بالصدفة بس جذيه
    والاانتي راجعة
    ما كنت ادري والله
    شخبااااارج؟

    نرجع للبوست
    انا واااااااااااااااااااااااااااااااااااااايد احترم الشطار
    والمجتهدين
    برااااااااااااااافو عليج
    احلى شيء العصير الخايس
    لوووووووووووووول

    انزين لما الحين بطاليه والا اشتغلتي
    ؟؟؟

  12. فانكوفر Says:

    by the way
    مبروووووووووووك المدونة الجديدة

    بس ما فلتي ليش غيرتيها؟؟

  13. عيون الحب Says:

    هلااااااا فانكوفر

    والله الحمدلله انتي شحاااااااالج؟
    رب صدفة خير من ألف ميعاد

    ماصارلي كثير رديت وبعدني ما رجعت لنشاطي المعهود هههههه حلوة معهود
    ياسلاااام شو هالاحترام الحلو
    خلاص لأنج تحترمينهم ما بعطيج من عصيري الخايس هههههه

    والله لين الحين بطااالية عندج واسطه ههههههه
    والله يبارك فيج عيوني

    وعن التغيير امممم في ميزات حلوة هني في الووردبريس حبيتها
    والتغيير شي حلو هههههه

    سعيدة بزيارتج عيوني
    وحياج الله دايما🙂

  14. واجبات تدوينية « الحــــــ,,,,ــــــــــيـ،،ــــــاة فـــــ,,,ـــــــتـــــ,,,,,ــــاة Says:

    […] اول هذه الواجبات التدونية من عزيزتي عيون الحب.. […]

التعليقات مغلقة.


%d مدونون معجبون بهذه: