:: نهاية أسبوع وااااو ::

by

السلام عليكم ورحمة الله وبركاته

يوم الأربعاء أعلنوا في التلفزيون عن نزول ثلج في جبال رأس الخيمة

وحطوا الصور بالتلفزيون وكيف الناس تتفالع بالثلج وبنت رجل ثلج

من كثر الوناسة شلينا قشنا وصبحنا يوم الخميس (إجازة السنة الهجرية) وتوجهنا لـ رأس الخيمة

رأس الخيمة في الإمارات الشمالية تبعد عن بوظبي مسافة 3 – 4 ساعات تقريبا

رحنا والجو كان وااااو وهذي صور السحب هناك

أضغطوا على الصور للتكبير

img_4321.jpg

img_4307.jpg

 

هالمكان كان في وادي البيح رحنا نبغي نشوف السيول اللي سببتها الأمطار

بس اللي قالولنا إياه إنه مب هني السيول في منظقة ثانية

والأخس من جي عشان نشوف الثلج في الجبال لازم نروح لها بهليكوبتر خخ

يعني نحاسة نحاسة وماقدرنا نسير المنطقة الثانية لأننا كنا معزومين عرس ناس من أهلنا

ولازم نرجع من وقت ونحضر العرس

 

img_4303.jpg

 

المهم صحيح نحن ماشفنا لا سيول ولا ثلوج خخ

بس شفنا حصان شارد من صاحبه هههه

هذا صورته في الدوار شارد على صاحبه

واللي يضحك في الموضوع انه مايركض

قاعد يتمشى

تلقونه يقول في خاطره الجو حلو خلوني أتمشى ياناس خخ

 

img_4342.jpg

 

المهم يوم السبت سرنا العين

أبوي كان يبغي يسوي حجامة

عجبني المسجد اللي جزء منه مركز للحجامة والرقية والعلاج بالأعشاب

فـ حبيت أصور كم صورة من المسجد

المسجد كثير حضاري وروعة ويطل على حديقة أكثر من رائعة

 

img_3703.jpg

img_4338.jpg

img_3695.jpg

img_3697.jpg

img_4340.jpg

img_4360.jpg

 

بعد ما خلص أبوي من الحجامة

سرنا صوب جبل حفيت

في الموبايل مكتوب المنطقة ,, هذي خدمة سوتها اتصالات

وايد حلوة تكتب في الموبايل المنطقة اللي تكون فيها

 

img_4345.jpg

 

هذي الصورة في قمة الجبل من فوق

الجو وااااااااو والهواء كثيييييير عليييييييل

حسيت إني طايرة في السما

والهواء كان كثيييييييييييير باااااااااارد بس حيل منعش

 

img_4348.jpg

 

هالصورة في نفس المكان

أختي فرت هالحصاه ومصّرة إلا أصورها وهي عالهوا خخخخ

كأنها نقطة في السما كيككيكي بس عجبتني الصورة

 

img_4361.jpg

img_4365.jpg

 

الصورتين اللي فوق كانوا في طريق النزول من الجبل

النزول كثير يخوف بس المناظر روعة

 

img_4366.jpg

 

آخر محطة كانت المبزرة الخضرا

ماشاء الله المكان حيل حلو

من زماااااااان ماسرت له

المكان أخضر والماي الحار والناس المتكتله في كل مكان

أحلى شي سويته هناك ركبت القطار الصغير

 

img_4372.jpg

 

هذي صورة القطار كل قطعة بروحها مو قطار كامل

تشوفون الحديدة السودا الطويلة هذي اذا وديناها لقدّام يسرع

وإذا رجعناها لورا بريك

 

img_4373.jpg

 

وهذا الطريق قدامنا وبعدين فيه لفّات وااايد حلوة في وسط المنطقة

عاد أنا ركبت واحد مع اخوي الصغير

وأختي الصغيرة ركبت واحد

ونحن في سلام ومستانسين مرة أدعس بسرعة ومرة أخفف

لما وصلت وخلاص مسكت بريك وتجهزت عشان أنزل

ما أحس إلا بضربة قوييييييييييية زين مافرتني من القطار

أختي الحبيبة الذكية ما ضغطت بريك وكانت نازلة من نزله عالية

يعني غير السرعة اللي مسويته النزلة ساعدت على سرعتها

من قوة الضربة قطاري دخل تحت القطار اللي قدامي

واختي طاحت من قطارها عالسكة وقطارها افتر وراها خخ

والله الضربة قوية حسيت راسي بينزل من مكانه

بس قمنا ورجعنا خذينا لفة ثانية خخخخخخخ

بس حادث قطارات فريد من نوعه

الحمدلله ماصار فينا شي

 

img_4376.jpg

 

عقب لفينا وخذيت صورة هالشلال بس كانت من بعيد

بس اعتقد انه شلال طبيعي اعتقد مب متأكدة بس منظرة حلو

فوووق الجبال

 

img_4383.jpg

 

وهذا واحد ثاني او نهاية الأول ما أعرف بصراحة

كان المكان زحمة وسريع سريع مشينا وصورته

 

img_4385.jpg

 

هذي الصورة كانت عالساعة 4 العصر

شوفوا كيف السحب تقولون مغرب مب عصر

 

img_4387.jpg

 

أهم شي في طلعتي كلها

إني خذيت هالـ سليبرز

من متى في خاطري آخذ سليبرز فيهم شكل من قدام

حصلته من فترة في مول يمكن بـ 150 درهم

قلت ما يسوى علي سليبرز بهالقيمة

بس اليوم حلصته بسعر خيالي

15 درهم بس خخخخخخخ

عاد أنا أكتب الموضوع ولابستهم

وكل اشوي اشوفهم ههههه

كأني مب شايفة خير

بس حدي كثير استانست في هالويك اند

عسى الجو يظل جي فترة طويلة

نستمتع فيه وننسى الحر اللي يذبح

تحياتي لكم

🙂

 

13 تعليق to “:: نهاية أسبوع وااااو ::”

  1. rose1990 Says:

    مرررة خطيرة الصور
    حتى في جدة الجو حلو البرد بدأ يزيد مررة
    أحلى حاجة اللهجة الإمارتية اللي تكتبين فيها مرة أحبها
    تسلمين🙂

  2. عيون الحب Says:

    روز

    الخطير مرورج وردج الحلو
    وجدة مرة حلوة ماشاء الله
    ههههههه شو سر اللهجة الإماراتيه؟
    كثير تعجبهم خخخ
    الله يسلمج وسعيدة بزيارتج
    لا تحرمينا🙂

  3. NjOoo Says:

    ههههههههههههه
    مت ضحك على سالفتكم مع القطار تخيلت اشكالكم😀 ياحليلها اختك
    عارفه احس تحمسسست للرحله فلللله مع الثلج وااااااااوز شعور وناسه ^_^

    بس مررره ختييره الصور عذاااب😦

    ماشااءلله عساه دووم يارب الجو الحلوو🙂

    يسلمو ياقلبوو استانست على تدوينتك😉

    (F)

  4. عابر سبيل Says:

    العين هي المدينة التي أشتقت لها بالفعل،

    لكن في ايام الإجازات وخصوصا في هذا الجو فإن الزحام يكون كثيرا خصوصا في المبزرة ، ، ،

    أعتقد أنني سأذهب نهاية الأسبو إذا استمر الجو بإذن الله

  5. عيون الحب Says:

    نجووو

    اي اضحكي والله رقبتي لين اليوم تعورني
    والجو يخلي الواحد وده يقعد 24 ساعة برع
    الخطير وجودج عيوني
    والله يسلمج واسعدني مرورج🙂

    ::
    ::

    عابر سبيل

    العين الحين صايرة روعة
    ولو الكل بيقول زحمة وزحمة عز الله أحد تمشّى خخ
    الكل يمدح حديقة الحيوانات وناويين ان شاء الله عالويك اند نسير هناك
    دام تحب الأطفال وديهم كشته هناك😉
    حياك الله ولا تحرمنا🙂

  6. lawyer Says:

    انتي كان بخاطرج تشترين بيت و ماحصلج قمتي غيرتاااااي من البلووق لي الورد !!

    شحاااااااالج
    ترا تنفقدييييين يا الغاليه

    دوووووم يارب مستانسه
    احلى شي التصوير
    جني ساااافرت وياج والله

    تدرين فيني اموت على التوثييييف بالسفر

    بس والله المنااااااطق روعه
    خضارها و سماهاااااا يشرح الصدر

  7. MissFikrah Says:

    مبرووووووووووووووك عالتغيير .. مع اني زعلت انج رحلت للوورد بريس😦 يعني غيرتي عنا !!

    يمج هالاجازه ولا بلاش … اهم شي انكم استانستو واستمتعتوا بالجو الحلو ..

    والقطار هذا خطير .. زين ما خبطتج وطيحتج .. الله سلمج وسلمها ..

  8. عيون الحب Says:

    لوير
    هلا هلا عيوني
    والله انا بخير انتي شحالج؟
    أرد عليح وصوت المطر يترنم في أذني
    ماشاء الله اليوم المطر ماوقت من الصبح لين الحين
    وماقصرت في الصور صورت لين قلت بس
    بنزل تقرير بعد فترة ان شاء الله عن كل الايام اللي صورت فيها
    والجو حيل عجيب وأحلى شي التوثيق بالصور تكون ذاكرة للواحد على مر السنين
    وجودج حيييل أسعدني وماننحرمش 🙂

    ::
    ::

    مس فكرة

    الله يبارك فيج بس أفا ليش الزعل؟
    انا هنا ولا هناك عيون الحب
    المكان مايفرق دام الشخص نفسه موجود😉

    هيه والله استمتعت وبعدني استمتع بالجو الحلو وانتي أدرى وتشوفينه🙂
    والله يسلمج يارب🙂

  9. عابر سبيل Says:

    كنت قريبا من أن أقرر الذهاب للعين اليوم، لكن تذكرت أنه يوم التاسع من محرم، فيصعب الذهاب قليلا !!!
    أرى أن الشمس ظهرت اليوم، ربما علي الإنتظار حتى الأسبوع القادم

  10. 7osen Says:

    مرحبا عيون

    وشحالج

    صراحة خوووش رحلة
    وايد حلوة الصورة عليكم بالعافيه

    ضحكتني أختج لما ادعمتكم من ورا

    ذكرتيني قبل أيام المدينة الترفيهية عندنا بالكويت
    في لعبة الجندول دائماً كانت تصير هالحركه

    :))

  11. عيون الحب Says:

    عابر سبيل

    صح اليوم التاسع من محرم والكل صايم عسى الله يتقبل منّا ومنكم إن شاء الله
    وسبحان مغير الأجواء من غائم 5 أيام إلى صحو
    إن شاء الله الأسبوع الجاي يكون الجو روعة أو من يدري يمكن السبت من الصبح يكون حلو 😉

    ::
    ::

    حسين

    هلا أخوي أنا بصحة وعافية ,, شحالك؟
    الله يعافيك يارب
    هيه والله شفت الدعمة كيف كانت؟
    بس الحمدلله الله ستر
    يعني الحال من بعضه عندنا وعندكم🙂

    حياك الله أخوي

  12. الفجر البعيد Says:

    يا هلا ويا مرحبااا
    الله على هاذيج الايااام صدق جو يجننننن
    واذا تبين تشوفين الوديان عليج بالغيل واذن..
    تدرين ان الجو في راس الخيمة كان من يوم الخميس لين الاربعاء مطر في مطر وخاصة اخر يومين الحمدلله الرحمة ماوقفت بس واااايد كان يجنن
    من عطوهم الاجازة وقف المطر لوووول..
    حتى نحن كان خاطرنا نسير جدا اليبال ونسير نشوف الثلج بس الله كريم.. محد عبرناااا لووول

  13. عيون الحب Says:

    فجووورة

    هلا عيوني
    هيه والله الجو صدق روعة
    اذن سرناها مافيها شي خخ
    بس الغيل ما احيد لوول

    ماشاء الله ,, عسى الله يزيد ويبارك
    وان شاء الله خيرها في غيرها

    حياج الله وماننحرمش🙂

التعليقات مغلقة.


%d مدونون معجبون بهذه: