:: My New Look ::

by
السلام عليكم ورحمة الله وبركاته
شحالكم؟
اليوم حابة أسئلكم عن الموقع مالي
أو بالأصح الديزاين
أدري حلو وعجبكم>>> واثقة
بس في كثير أكيد منزعجين منه
أريد أعرف شو اللي زاعجكم فيه
من لون
خط
ترتيب
كل شي
وأي شي
لأني أشوف ناس مو عاجبتها
وكل اشوي يوصلني طراطيش كلام
فإذا في مجال أعدله
ولا بغيره نهائيا
ناطره انتقاداتكم

18 تعليق to “:: My New Look ::”

  1. SHAHAD Says:

    بالعكس
    انا من البداية قلت لج وااايد حلوو وعاجبني
    خاصة ألوانه وديزاينه وايد هادي وبنااتي
    وكافي إنه لايق عليج وإنتي عاجبج🙂

  2. Selezya Says:

    مرحباا

    🙂

    اول شي كل شي عليج حلو

    والدزاين من غير مجامله جدا حلو وشخصيا عاجبني طريقته

    الشغله الوحيده اللي ممكن احط فيها انتقاد عشان اكون صريحه وياج
    اهي اللون

    برايي .. يا الأسود يكون لون ابيض او اي لون ثاني فاتح ولايق والوردي على ما اهو

    أو ان الاسود على ما اهو والوردي اهو اللي يتغير واعتقد بهالحاله يكون لون البيج الفاتح اهو اللي لايق بهالستايل

    وبكل الاحوال هم حلو
    وانتقادي كان من ناحيتي انه يكون للأححلى

    :*

  3. Selezya Says:

    وبراي ثاني .. انا احترم ذوقج وانتي اكيد ما حطيتي هاللوك إلا واهو عاجبج ولا تستغربين من الناس لما يتكلمون لان الاذواق تختلف ممكن انه يعجبج في حين ما يعجبهم وممكن يعجبهم وما يعجبج🙂

    وانتي سويي اللي يريحج

  4. عابر سبيل Says:

    والله هو مميز بصراحة وشي جديد

    لكن أنا تزعجني الخطوط ( أحمر + أسود ) اللي عالجوانب ،،، احسها تعور العين

    ولكن في النهاية المدونة لكم وانتم أحرار في اختيار ما يعجبكم

  5. عيون الحب Says:

    شهد

    هلا عيوني
    الحلو وجودج حياتي
    انا في صدد الألوان والخط اكثر
    لأني من هالناحية سمعت انتقادات اشوي
    عالعموم يسعدني ردج

    ::
    ::
    ::
    ::

    سيليزية

    هلا عيوني
    الأحلى وجودج عيوني
    هيه ترى اللون اللي مسبب مشكلة للي حولي
    والله انا حاولت قبل اغير بالاسود واخليه ابيض بس مادري اشلون ماعرفتله هههه

    برد أحاول مرة ثانية
    وان شاء الله اطلع بشي هالمرة

    اي انا اعرف انه الاذواق تختلف
    بس الواحد يحاول يرضي زباينه
    وربعه واهله وناسه
    وانتوا بالنسبة لي كلهم
    ورضاكم من رضاي

    وان شاء الله خير
    يسلمو عيوني
    🙂

    ::
    ::
    ::
    ::

    عابر سبيل

    والله تصدق اول ماحطيت الديزاين
    انا بعد ازعجتني هالخطوط
    بس مع الايام نسيتها
    لأن كل الموجود في المدونه يتمركز في النص
    والاطراف مجرد زينه

    شاكرة لك مداخلتك اخوي
    🙂

  6. 5roofa Says:

    بالعكس والله
    و بعدين انتي لوو تسوينه اخضر مقلم في بني و منقط ب وردي

    و مزهر بازرق هم بيكون حلوو

    لووووول
    ;p

    و بعدين انا اموت على الفوشياا فاقوولج انه يهبل
    😀

    salamz sweetee…

  7. N j O o o Says:

    هلااا عسولهـ

    اممم بالنسبة لي عاجبني موت ولا تنسين هو سبب معرفتي فيك لوول😀

    شوفي الديزاين يجنن مافي اختلاف لكن مثل ماقلتي يمكن اللون!! فعلا الاسود عموما يعور العين بصراحه يعني اللي يطالع فيه كثير ويقرأ يحس بصداع😀
    حاولي تغيرين الخلفيه للابيض او بيج بيطلع مريح وحلو

    اتمنالك التوفيق ^_^

    (F)

  8. الـفــــجـــ الــبـــعـــيـــد ــــــر Says:

    مساء الانواااار

    اللوك اليديد وايد حلوو وبناااتي
    بس ساعات يوم اقرااا احس ان عيني تشلق يمكن لان الخط صغير
    بس لو تكبرين الخط
    وانا هاللونين وايد احبهم حتى كنت مصممة قبل موقع بهاللونين

    سلاااامز

  9. Barrak Says:

    تبين راي تحملي اللي بيجيك
    بصراحه انا اهتم بالمواضيع اكثر من الشكل ولكن ملاحظتي البسيطه في استعمالك للون الأسود والوردي هذا في رأيي المتواضع وشكرا
    تصفيق

  10. عيون الحب Says:

    خروفه

    هههه أحلى عنقشة
    ماخليتي لون:\

    تسلمين عيوني انتي الأحلى
    دام تحبين الفوشي اكيد بتقولين يهبل
    🙂

    ::
    ::
    ::
    ::

    نجوووو

    هلا عيوني
    يسعدني انه كان السبب في معرفتي بج
    هيه الاسود هو المشكلة
    انا الحين اسوي اشويه تجارب واشوف بشو بطلع
    تقولين في مختبر خخ
    يعطيج الله والله يوفق الجميع

    ::
    ::
    ::
    ::

    فجووووووورة

    مساء المصابيح خخ
    الخط نفس حجم الخط اللي قبل
    مادري الظاهر اللون مطلع الخط صغير!!
    الالوان حلوة بس الظاهر متعبه عالنظر

    ::
    ::
    ::
    ::

    براك

    صراحتك على عيني وراسي
    وانا ما سألت الا لأني بتحمل النتيجة
    خلاص الحين ادخل المختبر واجري التجارب
    ويسلمو بروو
    🙂

  11. كادي Says:

    السلام للي شتقتلهم

    عزيزتي المهم ان يكون الديزاين عاجبج ويعكس ذوقج

    انا حبيت امسي

  12. Barrak Says:

    ايه جذيه

  13. عيون الحب Says:

    كاااااااااااادي
    وعليج السلام ورحمة الله وبركاته
    هلا والله هلا
    ألف الحمدلله على سلامتج
    والله وحشتييييييني برشا برشا
    اول ما شفت اسمج استانست والله

    بشريني اشلون الدراسة؟
    عسى نلتي اللي تبينه؟

    والديزاين الحين ان شاء لله يكون عاجب الكل واكيد عاجبني
    🙂

    طمنينا عليج
    وترى ناطرينج في مدونتج

    ::
    ::
    ::
    ::

    برااك

    طانكيو طانكيو

    🙂

  14. فتى الجبل Says:

    الألوان وايد فاقعة

  15. |:| DUBAI |:| Says:

    a7Ss ilGblaaNy Kan A7la 3laiCh !

    o A7yanen aWajeh MeShkela ef ur Page , hee Ena il7roof Tet’3yer o Maroom aGraahn !!

  16. nadeyah Says:

    زين سويتى خليتى اللون ابيض اريح للعين وكنت يايه بقول لج امس قريت البوست وقلت اللون اشوى صعب واليوم يايه على ويهى بقول لج ولا انتى غيرتيه

    زين اتسوين العين ترتاح

    وبعد الخط وايد نمنم ليش؟ كبرى اشوى واللى يرحم والديج ترى عيونى كلش

    وبعد شنو يا ربى

    اذا اذا بغيتى تعديل ولا شى ولا تصميم لا تستحين منى ترى عادى على قوله المصريين ادينى رنه وانا اسويلج اجدعها تصميم ولا ايه رايك يا بت؟:)

    وكافى هذرت تصبحين على خير ولا صج الحين صباح الخير / الجو الحين بدييييييييييييع بريدات

    فى حفظ الله
    نيديه

  17. ReLaaaX Says:

    حلووووووووووووووووو واييييييييييد

    الخطوط يبيلهم شوووي تفتحينهم يعني يكون وردي فاتح نفس بلوقي احم احم

    لا والله عشان التخطط عيوني عورتني

  18. عيون الحب Says:

    فتى الجبل
    حياك الله
    والتغيير في الموقع الحين أرحم من قبل
    🙂

    ::
    ::
    ::
    ::

    دبي

    الظاهر جي اللي قبل كان أحلى
    بس التغيير واجب
    شكلي بغير اللوك من كثر مشاكله
    حياج الله

    ::
    ::
    ::
    ::

    نيدية

    عيل زين غيرته
    بس الخط والله مادري شو اقولكم
    انا عندي يطلع عادي
    وترى كبرته بس مادري بلاه
    الظاهر الديزاين كله على بعضه بغيره
    وخلاص يلا انتظر منج التصميم خخ

    هيه حتى عندنا الجو رهيب في الليل وأول الصبح بريدات على قولتج

    حياج الله

    ::
    ::
    ::
    ::

    ريلاكس

    هلا عيوني
    الحلى بعيونج
    بلا تفتيح بلا خرابيط
    خلاص عزمت اغير اللوك كامل
    وكله عشان عيونكم

    وبلوقج ماعليه كلام
    الوردي روعة
    🙂

التعليقات مغلقة.


%d مدونون معجبون بهذه: