:: Housemaid ::

by
السلام عليكم ورحمة الله وبركاته
موقف رمضاني من المواقف اللي وعدتكم فيهاقبل ما أقول الموقف في شغلات لازم تعرفونها قبل
من عشر سنوات نحضى بشغّاله اثيوبية صارت وحدة من أهل البيت
طبعها من طبعنا .. أخلاقها من أخلاقنا كل شي فيها يخلّي اللي حولينا يقول هذي بنتكم لوول

المهم هي كل سنتين تسافر شهرين لأهلها
وقبل ما تسافر جبنا شغاله اثيوبيه ثانية تتعلم منها اشوي وتساعدنا وقت ماتكون مسافرة
قعدت معاها اسبوعين وسافرت
وطول الشهرين ونحن نتعامل مع الشغالة الجديدة بالاشاره
هي كانت مسؤولة بس عن التنظيفات في البيت والطبخ كان موزع علي انا وامي واختي

خلال هالشهرين صادفنا مواقف كثيرة معاها
هي مسكينه طيبة بس اشوي غشيمه
وكنت اتعب معاها لين افهمها شو اللي نريده منها

نجي للمهم
اللي متابعني يعرف اني سافرت العمرة اول يوم بـ رمضان
وبنفس اليوم وصلت فيه شغالتنا القديمة
نحن قعدنا 5 ايام في مكة
كانت فترة كافية يتبادلون الأمور والمواقف اللي صارت طوال غيابها

بعد مارجعت من السفر
ونحن في المطبخ
أكلّم شغالتنا القديمة
أقولها ها شو قالت عنّا الشغالة طول هالشهرين
شو شافت مننا؟
عسى ماكرهتنا

قالت بالعكس
تمت طول الوقت تمدح فيني وتقول هذي كثييير طيبة
طول الوقت مقابلتني وتعلمني كيف اسوي هذا وهذاك
وماكنت افهم عليها وماكانت تعصب علي

الدنيا حيل ماوسعتني من الفرحة
ان انسانه فقيرة مثل شغالتنا تقول هالكلام عنّي
حدي استانست
حتى قلت لشغالتنا القديمة تسألها من باب الفضول
لو تزوجت بتجي تشتغل عندي
قالت اي ههههههههه

المغزى من القصة مو تشهير لي
المغزى من القصة الشعور اللي تشعر به لما تعامل انسان بطريقة حلوة
ويقول كلمتين حلوات في حقك

استغرب من الناس اللي تعامل الخدم بقسوة كأنهم مو بشر
واحتقر هالشخص بصراحة
يعني مو كفاية عليها مغتربة عن اهلها وعيالها
عشان لقمة العيش .. بعد تلقى مهانة ومذله عند اللي تشتغل عندهم

أنا أحب اكون صداقة معاهم
دايما اسألهم عن اهلهم وعيالهم
حتى دوم يراويني صور عيالهم ويحكولي عنهم
حتى اللعب معاهم ألعبه
ولما يكون في خاطرهم شي او ناقص عليهم شي
دايما يقولون لي
بحكم انهم بيستحون يطلبون أمي او بحكم الاحترام والهيبة لمدام البيت
وهذا شي كثير يسعدني

كأني فتحت حلجي وماسكرته
خل أقول مثل أخوي بابل
وبس عشان اسكر حلجي ههههههه

وبس

21 تعليق to “:: Housemaid ::”

  1. 5roofa Says:

    تبين الصج انا ما احبهم
    حرام يمكن في منهم زين و انا ادري اني قاعده اظلم وايد بس وايد اسمع سوالف و مشاكل منهم

    معنه تره عندنه وحده و و الحمدالله زينه و تخاف ربها بس هم

    ماحب احد يسوي شغلي عني احب انا اسوي شغلي بنفسي لوول طبعا امي تقول هذا كلامج الحي باجر لي فتحتي بيت بتيبين بدل الوحده ثلاث

    لوول الله لا يعوزنه لاحد

    و يخليج يا ام الب طيب
    😀

    salamz sweetee….

  2. Barrak Says:

    بغض النظر عن طيب اخلاقك
    ومعاملتك الطيبه للخدم

    هذا الموضوع جدا جدا مهم للمناقشه

    دائما اذا شفت غلط من الخدم اتخيل نفسي اني بمكانهم والزمن دار فيني وخلاني اخدم الناس

    فعلا موضوعك يفتح مواضيع عميقه
    منها الاحساس بالنعمه
    المعامله الحسنه

    وامورا كثيره

    بس سؤال

    لو تبين بيبسي وثلج وتبين تأشرين لها
    شلون

    ؟؟؟؟؟

  3. عيون الحب Says:

    خروفة

    حرام عليج ليش ما تحبينهم؟
    شوفي المشاكل والقصص هذي ما تجي من فراغ بصراحة

    يعني انتي فكري فيها
    وحدة تعاملج اوكي وتشلج بعيونها بتضرينها؟؟
    الخدامة نفس الشي لو شافت اهل البيت يعاملونها اوكيك ليش تسيء لهم؟
    وهذا في النهاية مصدر دخلها الوحيد
    يعني متغربة وحالتها حاله بتقوم من نفسها بتضر اهل البيت وهي جاية بس عشان لقمة العيش؟؟

    حلو الواحد يسوي شغله بروحه
    وبكرة نشوف كلام امج بيطلع صح ولا لا لوول

    حياج الله
    🙂

    ::
    ::
    ::
    ::

    براك

    هلا اخوي وين الغيبة؟
    اكيد جدا مهم
    تصدق والله حتى أنا اتخيل نفس الشي
    اقول بكرة يمكن يصير واضطر اخدم ناس
    ويقول المثل ” كما تدين تدان”

    اما سؤالك عجيب
    ليش اتعب نفسي واقعد اشرح شو اللي اريده بالاشارة ومايجي البيبسي الا وانا خلاص بطلت ماريده

    ياخي اقوم واجيبه لنفسي ونقطه انتهى الموضوع

    بس والله ذكرتني لما احاول افهمها شي
    وماتفهمني ولا ما اقدر اوصلها شو اللي اريده
    تضحك على نفسها انها مافهمت
    ونقعد نضحك انا وياها ههههه

  4. |:| DUBAI |:| Says:

    والله يا عيون ..شيء منهن قد النعمة و شيء منهن لا

    حتى القسوة شوي عليهم ..يخربون بيوت .. يسون بلاوي و الاهالي يا غافلين لكم الله : )

  5. جنون إحساس Says:

    آنا يكسرون خاااطري
    وماحب أخلي عليهم قاصر أو اخليهم يحطون شي بنفسهم من الاشياء اللي محرومين منها بس صوب الأكل معاي حساسية
    ماحب آكل شي من ايدهم آنا مو وسواسية بس تلوع جبدي

    وتسلمين يا الألب الطيّب
    :*

  6. رادار Says:

    خادمة ، ووفية شئ نادر …

    من كثرة القصص التي سمعتها عنهم ، الأمر اصبح مثل مشاهدة فيلم لعصابات المافيا ..

  7. الـفــــجـــ الــبـــعـــيـــد ــــــر Says:

    ساعات يغمضني واقول انهن هادات بلادهن عشان يحصلن لقمة العيش ..
    بس يوم نشوف منهن الويل وانتي مكرمتنهن اخر اكرم وتعاملينها معاملة ماشي احسن عنها واتي هي حظرتها تستغل هالشي وتتبطر عليج يكرهوووني في عيشتي ..
    يحسووني اني انا البشكارة وهم الاربابات

    سلااااامز

  8. nadeyah Says:

    أول شى الله يتمم عليكم ودارى على شمعتك تقيد يا عيون ولا تنظلين خدامتكم وخذيها عن تجربه ترى ينظلون الخدام وذكرينى اقول لج سالفه الطباخ اللى وحده الله يصلحها عطته عين وما ترقع اهو عقبها واحنا بعد ما ترقعنا

    ثانى شى

    انا قبل كنت وايد حليوه مع الخدام واذكر كان عندنا شغله مصريه من عمر وتعاملنى مثل بنتها وتزفنى من صجها وتامر على الصبيان الهنود اللى عندنا المهم يمكن قعدت عندنا 10 سنين وبعدين استخفت وبدت ترادد واطول لسانها على يدتى الله يرحمها وتسوى مشاكل والمهم اخر شى ردت لعيالها وما تخيلين شلون كانت تروح لاهلها من الخير والهدايا بس ما بين بالعين

    نجى الحين للخدم والله شوفى اكلهم من اكلنا وبدخله الصيف والشتا اشرى لهم اول ما ينزلون يونيفورماتهم يعنى قبل لا اشترى انا ملابس لى ابديهم وما اكلفهم فوق طاقتهم من الشغل لكن انى اسولف معاهم لا لانى ما ابى اطيح الميانه وياهم مو عن كبر لا بس لان كل شى بويهى خليهم يهابونى وبصراحه انا عند الغلط ازف لان اللى يغلط لازم يتحمل يعنى اتحرق لى ملفع غالى واسكت لا بزف وبحرق عمرى واعصب لما اشوف تهاون منهم

    وفوق هذا يقلبون عليج وسوالفهم ما تنعد وكافى ما يحمدون النعمه لان قلبهم اسود ….

    اتصدقين يقولون الاثيوبيات عصبيات صح ولا لا مالى خلق اييب وبعدين تخكفنى لو قلت لها نظفى اشرايج ؟

  9. فتاة الحزن Says:

    تستاهلين كل خير حبيبتي..

    صح إني ما أعرفج من مدة طويلة ..بس كل يوم اكتشف شي ..

    صج إنج حشرة بس طلع قلبج طيبة ..

    تفاجئيني إنت مرات..

    الله يستر من البوست الجاي

    🙂

    ..

    والخدامات ناس حالنا حالهم لازم نعاملهم كما أمرنا رسول الله صلى الله عليه وسلم ..

    أسلوبج معاها المفروض الناس كله تتبعه ..
    الله يقويج على فعل الخير

  10. N j O o o Says:

    ماشااءالله عليك عسولهـ .. على سعة بالك وطيبة قلبك
    شي حلو تعاملك مع الخدم ونادر حالياً

    لكن والله تبين الصدق !! مو كلهم حليلين
    بعضهم تعطينهها وجه تنقلب عليك جد وعن تجربه شخصية!!
    يمكن اختلاف الدول له تأثير مدري !!يعني يمكن شرق اسيا غير عن اثيوبيا
    بس مااعتقد !! لانه راجع لنفس الشخص

    عموماً .. ربي يعطيك على قد نيتك وطيبتك
    عساك دومــ كذا

    ^_^
    (F)

  11. SHAHAD Says:

    معاملتي للخدم محدودة ما أحب اطيح الميانة معاهم يعني أسلم عليهم ومرات أسولف معاهم ودايما ابتسم بويههم ما أحب أكشر لما أطلب منهم شي
    ذكرتيني بخدم بيت يدتي
    كل ما تصير زوارة لازم أمر أسلم عليهم
    تلقين الضحكة شاقة حلجهم لأني أعبرهم
    وإذا ما سلمت ييون لي عندي ويبتسمون يعني قولي شلونج كوماري شلونج سرفانتي هههههه ، ترى يحتاجون المعاملة الزينة لو بابتسامة ، الله يديم عليج طيبة قلبج حبوبة

  12. عيون الحب Says:

    دبي

    صحيح بس المعاملة الحسنة لابد تكون موجودة

    والرسول كان يعامل اللي أساء له بالحسنه فكيف نحن؟؟

    ::
    ::
    ::
    ::

    جنون احساس

    اي والله يكسرون الخاطر
    واذا نحن ما نقصر في حق نفسنا ولا نخلي شي في خاطرهم ليش نقصر معاهم؟
    وفي ناس كثير ما تحب تاكل من ايدهم

    الاهم من هذا كله النظافة والمعاملة الطيبة
    وقلبج انتي بعد طيب وكبير
    🙂

    ::
    ::
    ::
    ::

    رادار

    قول ماشاء الله تصكنا بعين:\
    المعاملة الطيبة تسوي اشياء كثيرة ياخوي
    والحمدلله ماصادف ان صار لأحد نعرفه قصه مثل اللي اسمع عنها

    ::
    ::
    ::
    ::

    الفجر البعيد

    هلا هلا وين الغيبة؟
    والله لكل قاعدة شواذ
    هو صح شي يقهر لما يصير اللي قلتيه
    بس مب معناته اننا من البداية نجزم هالشي ونعاملهم بطريقة مو شي؟

    الله يستر
    🙂

  13. عيون الحب Says:

    نادية

    الله يسمع منج يارب
    شوفي انا نفس اللي اسويه قلتيه
    بس هم يخافون مني الحمدلله

    لأني بعد اهاوشهم مثل ما اهاوش خواتي عادي
    في البداية اوفهمهم مرة ومرتين وثلاث بس بعدين يبدا الهواش
    بس يضلون يكسرون خاطري وما اتطاول عليهم كثير

    ومو الكل قلبه اسود ومو الكل يقلب عليج

    الاثيوبيات مو يعصبون .. يحمقون
    يعني تزعل وزعلها قوي
    وتخافين تكلمينها لانه ما تسوي الشي بنفس طيبة لما تكون معصبه ومتحمقه هه
    بس من ترضى تكون اوكيك

    وفي النهاية يعتمد على الشخصية نفسها
    🙂

    ::
    ::
    ::
    ::

    فتاة الحزن

    يسلمو حبيبتي
    احرجتيني بكلامج

    اي حالهم من حالنا
    والله يسمع منج يارب

    ::
    ::
    ::
    ::

    نجووو

    هلا والله
    ارحب فيج في مدونتي حبوبة
    الحلو تواجدج في مدونتي

    اكيد اختلاف الدول له تأثير
    خاصة بالسعودية
    ماترحمون الخدم
    من كثر الزيارات اللي عندكم
    والسهرات اخر الليل
    والاعراس لوجه الفجر
    من حقها تطفش وتخليكم هه

    بس لحظة انتي كنتي تتكلمين جنسية البشكارة نفسها ههههه
    بس اكيد بعد الجنسية تختلف

    الله يعافيج يارب
    وسعيدة بتواجدج
    ماننحرمش

    ::
    ::
    ::
    ::

    شهودة

    بعد تصرفج حلو
    احساسهم بأن احد يسأل عنهم شي كبير في عينهم
    مجرد السلام عليج وشحالج شي يستانسون عليه

    الله يسمع منج
    ويديم عليج طيبة قلبج انتي بعد
    🙂

  14. فراوله Says:

    مساالورد والجوري
    غاليتي احلي عيون
    كل سنة وانت بالف خير…وعساج من عواده كل سنة يارب
    وسامحيني انها متاخره شويه
    🙂
    وبالنسبه لموضوع الخدم
    البعض منهم زين واكثرهم شين
    بس علي كل الاحوال
    الرحمه زينه
    ارحموا من فالارض يرحمكم من في السماء
    دمت ودامت سوالفك
    الحلوة
    🙂

  15. Selezya Says:

    مرحباا

    انا استغربت من بعض الكومنتس ونظرتهم السيئة للخدم
    صراحه الخدامه اهيا اساسا يايه واهي مسكينه .. فطريقة تعاملها مع اصحاب البيت بعدين ترد على معاملتهم لها .. يعني اذا زينين اكيد بتكون زينه واذا لا اكيد بتلوع جبدها منهم وماراح تشتغل عدل
    شخصيا وايد ما احب اكسر بخدمنا .. يعني ماكو خدامه من تخلص سنينها وبترد الا وتقعد تبجي قبل لا تروح مايبون يروحون
    احب اسولف وياهم باعتبارها انسانه وتشتغل واهيا اللي معدله نص البيت واهيا اللي حاسه بالمسؤولية اكثر مننا وفوق هذا معاشها بالنسبه لنا ولا شي وسبحان الله تلقين هالفلوس اللي تاخذها كنزز عندهمم ..
    ابغض المعامله السيئه للخدم بالمرره ولا تعجبني .. عامل كما تحب ان يعاملوك الناس
    حقيقه محافظة عليها للعمر كله
    واحرص دايما على ان ارفهه عن الخدامه بوقت معين باليوم .. لوول احببب اسمع قصة حياتهم من طأطأ لي الوقت اللي يتنا فيه تلقين عندهم قصص عجيبه
    واحنا بيتنا مايطلع عن الخدم السيلانيات لانهم احسن مليون مره من الهنود وشرق اسيا بس اثيوبيا للحين ماشفت صراحه
    وعساج عالقوة

  16. ياقلبي ابتسم Says:

    احلى شي ان الواحد يتعامل مع الكل باحسن تصرف واحسن تعامل

    يعطيك العافيه

  17. Shaima'a Alkandari Says:

    وعليكم السلام ورحمة الله وبركاته

    لازم نعامل الناس مثل مانحب انهم يعاملونا

    والحمدلله ان الخادمه لي كانت فتره طويله عندنا نعاملها كأنها وحده منا حتى لو تشتغل عندنا فتره بسيطه لانه انسانه حالها من حالنا لو مو الظروف جان مااشتغلت هالشغله

    علينا ان نحسن معاملتها والكلمه الطيبه صدقه

  18. esTeKaNa Says:

    يا بعد قلبي قلبج الطيبه
    يزاج الله كل خير وان شاء الله في ميزان اعمالج
    وترا صج…قبل سنين اهل الخليج كلهم كانويروحون الهند ويتغربون شغل ومذله لين ربي عزهم ورزقهم بهالذهب الاسود
    ولا احد يدري لي كم سنه جدام شنو بيصير
    لازم الانسان يفكر صح ويتصرف صح
    انا توني كاتبه موضوع مشابه شوي
    :))
    الله يحفظج يارب
    وترا بس…حقوق محفوظه لبابل
    🙂

  19. loco Says:

    hehe bedoonhoom ma en3eesh😛 aw et3eeshoof entaw yal banat😛

  20. عيون الحب Says:

    فراولة

    هلا عيوني
    عسى ماشر وين كل هالغيبة؟؟

    وانتي بألف صحة وعافية عيوني
    ومسموحة افا عليج

    اي في هيك وفي هيك
    بس المعاملة الزينة مطلوبة دايما

    ويسلمو عالمرور حبيبتي
    وماننحرمش

    ::
    ::
    ::
    ::

    سيليزيا

    هلا حبوبة
    انتي تسوين نفس اللي اسويه هههه
    سوالف ولعب وضحك وكل شي
    وصدقتي لو عاملت الخدامة بطريقة زينه حق شو تردها بطريقه خايسة؟؟؟

    والحلو لو نفرحهم بهدية بسيطه مننا وهالشي الحمدلله احاول قد ما اقدر اسويه
    🙂

    يعطيج العافية حبوبة
    والله يجزيج الخير

    ::
    ::
    ::
    ::

    ياقلبي ابتسم

    هلا حبوبة حياج الله في مدونتي
    اي اكيد احلى شي التعامل الحلو مع الكل
    الله يعافيج وماننحرمش

    ::
    ::
    ::
    ::

    شيماء الكندري

    هلا شيوم والتعامل الزين شي مطلوب
    صدقتي والله ظروفهم تجبرهم على هالشي
    والراتب مو يكفي نص الشغل اللي نجيبه حق البيت !!

    حياج الله
    🙂

  21. عيون الحب Says:

    استكانه

    ياقلبي انتي
    الله يجزي الجميع يارب
    هيه والله الله عزنا بهالذهب الاسود
    والله يستر من الجاي

    ترى انا قلت أقلد بابل
    يعني ماسرقتها ههههههه
    حياج الله
    🙂

    ::
    ::
    ::
    ::

    لوكو

    ههههههه حق الشماته بس هااا؟؟
    والله في بنات قدها وقدود
    والناس انواع واشكال
    ومو كل احد عنده خدم

    حياك الله برو

التعليقات مغلقة.


%d مدونون معجبون بهذه: