:: رسميــــا ::

by

السلام عليكم ورحمة الله وبركاته

كان ياماكان في قديم الزمان وفي سالف العصر والأوان لـ حتى كان
كان في بنت حلوة أمها ماتت وهي صغيرة وأبوها تزوج غيرها وعندها أختين بشعات
وهي أحلاهم .. وأم زوجها كانت شريرة وخلتها تروح للغابة تودي أكل لجدتها المريضة بـ ردائها الأحمر .. وهي في الطريق لقت تفاحة وكلتها وتسممت والأقزام ساعدوها وبعدين تزوجت الأمير وقهرت خواتها البشعات

!!! أووووه تعالوا أنا خبصت كم قصة
شو السالفة؟؟

إي صح نسيت أقولكم لأني اليوم رسميا أنا بدون عقل
بدون عقل !! انتي شو تقولين عيونوووووو
مو إنتوا مادريتوا شو صار معاي

الله يسلمكم هذا أنا مركبة تقويم وضريبة هالعلاج إني أخلع أسناني
ومو أي أسنان ياناس ضروس العقل
ومو بس ضرس ولا اثنين لا وحياتكم الأربع

أصلا هم مالحقوا يطلعون بالكامل .. في بعضهم بعدهم تحت اللثه
بس اللي صار إنه لو طلعوا كاملين راح يخربون علاج سنتين عالفاضي

جان أول عملية أسويها وأخلع فيها ضرسيني فوق وتحت في الجهة اليمين تاريخ
اكتوبر .. والحمدلله مرت على خير ما عورتني ولا حسيت بـ شي 6

والثانيين فوف وتحت في الجهة اليسرى اليوم تاريخ 16 اكتوبر وشفت الوييييييييل
حسيت عيوني بـ تطلع
اصلا قبل ما أروح حسيت إنهم بـ يعوروني لأني دوم لما ما يصير فيني شي للمرة الأولى
وما أتعب منه وأقعد أقول للكل إني ما تعبت مع إني أحمد الله كل ما أذكر السالفة
في المرة اللي بعدها لما أصاب بـ نفس العلّة أتألم وأتعب وووووو

يعني كأني أحسد نفسي بـ نفسي هذا وأنا أقول الحمدلله وماشاء الله
عالعموم الحمدلله مرت على خير والله سهّلها
بس حبيت أعطيكم خبر إني رسميا بلا عقل لوووووووووووول

المواقف اللي صارت لي في المرة الأولى خلع

:: 1 ::

اللي يعرف فتاة الحزن ويتابعها بـ يعرف إنها تعرضت لحادث زحلقة في المطبخ أدى إلى كسر فكّها وخيطولها إياه .. عاد أنا لما كلمتها ضحكت على صوتها بس ما كنت أعيب عليها من باب الطنازة بس لأن صوتها كان مخنوق كأنه من مغاره

فـ أنا لمّا رجعت من المستشفى وقلتلها إني حاطة قطنه في أسناني وأتكلم مثلها
اتصلت خصوصا بس عشان تعيّب وتضحك علي ولا بعد ما قالت لي حتى الحمدلله ع السلامة شفتوا الاتيكيت معاها اشلون >> اي أحسن خل يعرفونج ويضحكون عليج ههههههههه

:: 2 ::

كنت قاعدة أكتب عالكمبيوتر وأشوي أخوي جا عندي بيسولف
ولا أبوي من بعيد يقوله وخّر عن أختك وانتبه تقولها شي تراها بلا عقل اليوم هههههههه
وهذا وأنا نزلت جهة وحدة بس قلت عزا الله لو نزلت الجهة الثانية محد بيكلمني صدق لوول

:: 3 ::

اتصال من خالتي عزّمت فيه إنها تشتريلي لعبة أطفال ولااا بعد خيرتني أي لعبه أريد لوووووول .. عاد أنا طلبت منها الطبلة اللي فيها عصا وحبلين من الجهتين أهز الطبلة بالعصا تدق فيها الحبال مادري عرفتوها ولا لا لوووووووووووول ولقيت صورة لها للأسف
وكل هالتشّريط وماجابت لي شي لووووووووول .. تراها مب اللي فتحت مدونه عشان ما تطيحون فيها لا وحدة ثانية هههههههه

بصراحة كنت ناوية أصورلكم ضروسي وأحطها ولكن رأفة بقلوبكم ورحمة لأسنانكم ما حطيتها هههههههههههه
أصلها بشعه بشاعه مابعدها بشاعه ههههههههههههه

وهذي كل القصة
بس حبيت أنوه أني منذ اليوم لست مسؤولة عن أي تصرف غير لائق أو غير عقلاني منّي
هذا والله ولي التوفيق

 

18 تعليق to “:: رسميــــا ::”

  1. DanDash Says:

    ويي وعليه وين عقلج يا بنية
    =p
    سلامات يالغالي سلامات
    ما تسوفين شر ان شاء الله

    بالعكس وناسة جي يصغرونج و اذا قالو لج عقلي يا عيون صرتي كبيرة
    تقولين وين كبرت ماشي ضروس العقل

    “لهجتي صح و لا مافدنتني الدروس المكثفة من ام خماس و ام سعيد “

  2. عيون الحب Says:

    دندوووووووووووشة
    هلا والله
    عاش من شافج عيوني

    عقلي ذهب مع الريح ههههههه
    الله يسلمج حبيبتي
    والشر ما يجيج ان شاء الله

    بس مو حلوة كويتيه ماتقول خطاج السو ههههههههههه

    والله تصدقين فكرة
    اشلون طافتني
    خلاص الحين من يقولون لي انتي كبيرة
    بقولهم هاتوا الاثبات ضروسي وطارن ههههههه

    لا في فايدة اشوي اشوي وتتعلمين
    بس اشحلوه كلامكم والله
    🙂

  3. SHAHAD Says:

    أولا مبرووك على النيو لوك بصراحة عجيييب وحده لايق علييج : ) بالعافية حياتوو

    أما ضروس العقل ، سلااامااات ما تشوفين شر
    تصدقين انا نفس حالتج بس اخاف أشيلهم
    المشكلة في اثنين ليلحين ماطلعوا عدل ويعوروني بين فترة والثانية بس أطنش

    أهم شي انج شلتيهم ولا راح تعب سنتين تقويم : )

  4. عابر سبيل Says:

    لا بأس طهور ان شاء الله

    أنا كنت أفكر بتقويم الأسنان ، لكن الموضوع طلع محتاج عمليات خلغ وحشو !!!

    غيرت رأيي وقلت خليني على حلاوتي ما شاء الله علي يكفي ، ، ، !!!

  5. 7osen Says:

    سلامتج وماتشوفين شر إن شاءالله

    يعني انتي الحين عيون المينونه

    هههههه

    بدون عقل

    هههه

    سلامتج ياعيون

    وعاد والله صج الأسنان وااايد مؤذية
    ماتشوفين شر

    ويالله شدي حيلج

    :))

  6. عيون الحب Says:

    شهودة

    الله يبارك فيج عيوني
    والعجيب تواجدج عندي

    والله يعافيج

    الشر ما يجيج قلبي
    تبين نصيحتي كل شي يتطنش الا الاسناااان
    ديري بالج ترى التطنيش يوصلها للجذور ولما يوصل للجذور الله يستر

    واي والله شلتهم بس كرهت الدكتورة والدكتور وكل احد كان له دور في الحلع لووووووول

    ::
    ::
    ::
    ::

    عابر سبيل

    هلا اخوي
    ان شاء الله يارب

    مو كل تقويم يحتاج لخلع وغيره
    يعني انا لما ركبت التقويم كان بسبب تراكم الاسنان اشوي تحت
    فما احتاج ابدا للخلع
    بس بعد ما تم كل شي وخصلت لاحظ الدكتور ان الضروس هذي لما بتطلع مستقبلا راح تخرب كل شي

    ههههههه حلوة خليني على حلاوتي
    يقولك القناعة كنز لوول

    حياك الله برو

    ::
    ::
    ::
    ::

    حسين

    هلا برو
    الله يسلمك ياخوي
    والشر ما يجيك ان شاء الله

    شفت اشلون صرت عيون المجنونة
    بس لا تصدق نفسك وتقعد كله تسبني
    انا بس اقول عن عمري مجنونة لووووووول

    الله يسلمك يارب
    والحمدلله انه تم كل شي على خير
    🙂

  7. جنون إحساس Says:

    وااااي لاتخرعووني حرام عليكم
    😦

    يعني بين رسمي؟

    سلامات يالغالية
    ماتشوفين شر وعسى الله يردلج عقلج أحسن من أول إن شالله
    عقب ماتروح آثار الشلع نهائياً

    عجيب النيولوك
    يونس وفنكي
    هذا شغلج؟

  8. عيون الحب Says:

    هلا جنون احساس
    لا تتخرعين ولا شي
    هو مايعور كثير بس الاحساس اشوي يخوف

    ولا يبين شي رسمي ولا يخصه
    الحين صدقتي اني بلا عقل لوول

    الله يسلمج يالغالية
    والشر ما يجيج ان شاء الله

    وعقلي الحمدلله موجود وما نقول لا للزيادة

    العجيب مرورج حياتي
    والتصميم لا مب تصميمي بصراحة
    بس التعديلات والاضافات وهيك انا مسويتهم

    لغة ال
    XML
    مالت البلوق اشوي صعبة واحاول افهمها
    بس التصميم مو شاطرة فيه مثلج ماشاء الله
    🙂

    حياج الله خيتو
    🙂

  9. عابرة Says:

    طهورة إن شاء الله
    والله يشفي فتاة الحزن

    إحترامي

  10. Barrak Says:

    الحمد لله على سلامتكم انتي وفتاة الحزن

    عندنا بالكويت اذا الواحد نساه العقل يودونه مستشفى ويعطون اللي يودي المريض الى المستشفى
    خمسين دينار يعني 600 درهم
    حياك عندنا

  11. nadeyah Says:

    سلامات وما تشوفين شر يا حبوبه
    وصج انج قويه ما شاء الله عليج تروحين بريولج تشعلعينهم وعمليه والله انا تأبى المروءه اخليهم ما اقدر انا طبيب الاسنان عندى اهو وعشماوى واحد
    اموت خوف منه
    وشلونج الحين عسى احسن
    والعقل يختى احسن لج🙂 وشخذينا من العقل

    واجدد لج دعوه اخوى براك تعالى زورينا بالكويت ترى المعاش مخلص وتكسبين فينا اجر

  12. عيون الحب Says:

    عابرة

    حياج الله في مدونتي
    وان شاء الله يارب
    بس فتاة الحزن خليكم عنها
    ضحكت علي لوول

    اسعدني مرورج وماننحرمش

    ::
    ::
    ::
    ::

    براك

    هلا اخوي
    الله يسلمك يارب
    ههههههه تجارة رابحة عندكم بالكويت
    تبي تستغلني ها ؟؟
    مو هذا العشم فيك ههههههه
    ان شاء الله بزوركم بس مابقولك خخخخخ

    ::
    ::
    ::
    ::

    نيديه

    هلا عيوني
    الله يسلمج والشر مايجيج يارب
    ههههههه والله اللي يبي الزين يصبر ياعيوني
    انا مواعيدي كلها اسير بروحي
    الا موعدين الشلع خليت امي تسير معاي
    مايندرى سبحان الله يمكن يصير فيني شي

    والله الحين احسن والحمدلله
    سكتي والله هالعقل متعبنا بس احسن من الخبال

    ياسلام عليكم امحق اصدقاء هههههههه
    يعني انتوا تكسبون من وراي وانا اعيش مع ناس الله يعينهم بس
    شكرا
    بس انتي وبراك بلوك من مدونتي لو سمحتوا
    خخخخخخخ

    حياج الله
    🙂

  13. rwatan Says:

    سلامات

    ابيخ شي عوار الاسنان

    أكره طبيب الاسنان و صوت الوززز

    ما تشوفين شر

  14. 5roofa Says:

    لووووووووول

    سلامااات يالغالي سلااماات هلا هلا هلا لوول

    خطاج السو يالغاليه وااي عاد احس كل الي قلتي يعور اننتي تقولين و جنه بلش يعورني ضرس
    لوول

    امبي تره انا احب لعبه الطفل هذي لووول كنت العبها ايام الطفوله لوول

    انزين انتي شلتي العقل و الي ما طلعله للحين لوول شنو يعتبر؟
    ;p

    T..C sweetee….
    o 5a6akom el so 3qla ur 5ala lol

    salamz sweetee….

  15. فتاة الحزن Says:

    حسبي الله على إبليسج ..

    صارت فضيحتنا خليجية ..

    يا شماتة أبلة فتحية فينا..

    🙂

    والله محد قال لج تعبيبن علي..

    وبعدين صج إنت صرت بلا عقل ..

    يعني خطر على المجتمع ..

    يعني لازم نحطج وييييييييين

    اللبيب بالإشارة يفهم

  16. عيون الحب Says:

    رؤية وطن

    حياك الله اخوي
    والله يسلمك يارب
    اي والله ابيخ شي
    الله لا يذوقنا اياه في يوم

    اسكت انا اروح عشان التقويم مافيه وزززز بس اسمع صوت الوزز من الغرف الثانية قلبي يرقع هههههه

    الشر مايجيك وحياك الله

    ::
    ::
    ::
    ::

    خروفة

    وانتي ماشي شغله كله تعيشين ادوار
    واحد صاح صحتي معاه
    واحد تعور تعورتي معاه
    واحد ضحك ضحكتي معاه
    خخخخخخخخخخ

    الله يسلمج يارب
    وزين والله احد عرف اللعبه على بالي ماراح تخطر على بال احد

    والله اللي ما طلعله اعتقد حالته من حاله اللي شلع هههههه

    خطاج اللاش عيوني
    وما ننحرمش

    ::
    ::
    ::
    ::

    فتاة الحزن

    هلا والله
    يامرحبا بج

    وين الغيبة؟

    ياذكية الحين نحن صرنا مشهورين
    اي شخص بيعاني من ضروس العقل بيذكرني انا وانتي
    ايش فيج ما تفهمين هههههه

    انا صرت خطر عالمجتمع؟
    الله يسامحج
    اذا بتوديني هناك
    بطلع انا العاقلة وانتي المجنونة
    وبيحطونج بدالي
    خخخخ

  17. بـابـل Says:

    سلامتك عزيزتي ألف سلامه

    وضرس العقل مايتعوض ههههه

    ماتشوفين شر

    وبس

    بابل

  18. عيون الحب Says:

    بابل

    الله يسلمك ياخوي
    واي والله شكله مايتعوض

    الشر ما يجيك ان شاء الله
    وبس
    🙂

التعليقات مغلقة.


%d مدونون معجبون بهذه: