:: ذكريات خريجة ::

by
.. في يوم من الأيام وأنا أقلب شريط ذكرياتي
.. شليت عمري لبوكس ذكرياتي
.. وطاحت يدي على الكتاب السنوي للخريجات
.. اذكر يومها لما شفت اسمي في الكتاب مذيل بامتياز
.. احساس بالفخر حسيته يومها

.. ومن باب الاحتفاظ بذكريات حلوة
.. وبناس عزيزين على قلبي
.. شاركوني سنوات دراسية
.. مررت كتابي على صديقاتي
.. فكانت كتاباتهم كالتالي
انسبايرد مايند
.. والله مكسبج الذهب عيوني
::
مس ستايل

.. تصدقين والله انا بعد تحسفت

::

مس هابي

It was great for me too

::

.. مس مبلمة

.. على كثر ما أذيتيني

.. على كثر ما استانست على فصلاتج
::

.. مس تعليقات

Mee too darling

::

.. مس سين سؤال

.. وانتي والله تركتي اثر طيب يالطيبة

::

.. مس نغزات

.. الله يسمع منج يارب

.. وأتمنى اكون تركت بصمة في حياتج بعد

::

.. هذول كانوا بعض من ذكريات صديقاتي

.. وصلنا لمدرسيني

.. كلامهم كثير أثر فيني

.. كلهم بنوا آمال وأحلام علي

.. وأنا لين الحين بعدني في البيت بطالية

.. الاثنين اللي قبل كانوا لمدرس البرمجة مالي

.. مدرس هندي بس حباب كثير

.. كان بالنسبة لنا الأب الحنون

.. بس خطه يبيلها شفرة خاصة فيها عشان تفكونها لوول

::

.. كريس أجنبي
.. مدرس البرمجة الثاني بعد
.. مسكين حصل تهزيئ كثير مني
.. كان جديد ومب فاهم الطبخة
.. كنت اشطر عنه لول
::

.. خليفة

.. بحريني جدا محترم

.. كان جدا طيب وعلى نياته

.. مدرس الشبكات

::

.. مس مهرة

.. مدرسة الفلاش

.. مواطنة وكثير حبابة

.. أخت بالنسبة لنا
::

.. نافذ حمدي

.. فلسطيني او سوري نسيت لول

.. جدا جدا جدا محترم

.. كنت احترمه وأشاوره دايما

.. مدرس شبكات

::

.. تازها

.. مدرسة هندية بس كثير عسل

.. درستني اوراكل

::

.. هذي ذكرياتي مع كتابي السنوي

.. أتمنى استمتعتوا بقرايتها

.. وان شاء الله يجي اليوم اللي اتصل فيه بمدرسيني

.. وأقولهم كنتوا عند كلمتكم عني

::

.. أخص بالشكر اخوي حسين لتشجيعي في سرد ذكرياتي

.. وسوري على رداءة بعض الصور بس ماكان فيني ارد اصورهم مرة ثانية لوول

13 تعليق to “:: ذكريات خريجة ::”

  1. جنون إحساس Says:

    واي والله العظيم رجعت 3 سنين لي ورى
    أحن لذيييج الأيام

    عندي صناديق للذكريات أحس روحي ترد لا بطلتهم
    ^_^

    نص الخطوط اللي بالانقليزيما فهمتهم خصوصاً المشبكة
    @@

  2. عيون الحب Says:

    جنون احساس ..

    هيه والله الذكريات سبحان الله لها نكهة خاصة ترجعنا سنييييييين لورا ..

    هيه في كلمات انا بعد نسيت شو كانوا وماقدرت اقراهم لوول ..

    حياج الله جنون احساس اسعدني مرورج🙂

  3. esTeKaNa Says:

    توارد افكار بينا
    🙂
    شنو هالبوست الحلو اللذيذ
    وايد استمتعت بهالذكريات الجميله

  4. عيون الحب Says:

    استكانة ..

    هيه مريت على مدونتج امس ..
    وخطفت عالموضوع بس ما تمعنت فيه لضيق الوقت ..

    بس لاحظت ان الافكار متشابهة لوول …
    مرورج هو الحلو اللذيذ والله ..

    وحياج الله دايما🙂

  5. 7osen Says:

    اول شكرا لأنج نزلتي هالبوست

    :

    ذكريات وااايد حلووه لأصدقائج

    وكلمات معبرة تبقى بالذاكره دائما وابدا

    ماشاء الله عليج
    امتياز ،، يعني انتي شاطره

    وبالفعل يحقلج انج تشعرين بالفخر

  6. فتاة الحزن Says:

    يا سلاااااااااااااام حلوة أيام الدراسة انا اتذكر إني خليتهم يوقعون على البالطو الله يوفقج وتلاقين الوظيفة ترى الحال من بعضه

    🙂
    😉

  7. عيون الحب Says:

    حسين ..

    العفو والشكر لك والله ..
    تونست وانا اسوي البوست ..

    هيه والله الذكريات حيييل حلوة ..
    والكلمات لها معزة واثر طيب في القلب ..

    والحمدلله لكل مجتهد نصيب ..
    وبفضل الله وصلت للامتياز🙂

    شاكرة مرورك الرائع اخوي ..

    ::
    ::

    فتاة الحزن ..

    اووووووه ايام والله ..
    انا في الثانوية العامة وقعولي عالشال مالي ..
    بس هذا في الكلية اخر سنة في الكتاب السنوي🙂

    الله يوفق الجميع يارب .. وييسرلنا الوظيفة قريب ان شاء الله ..

    حياج الله عيوني🙂

  8. barrak Says:

    انا كل مااشوف الكتاب السنوي للخريجيين للعام الدراسي 1996-1997
    واشوف صورتي

    اقول الحمد لله اني ماكنت اطلع وايد وانا بالجامعه

    ويه صج ذكريات

  9. عيون الحب Says:

    براااك ..
    هلا اخوي وهلا بخريج 97
    والله ناس كاشخين بصورهم لوول ..

    الذكريات احلى شي بحياة الانسان ..
    حياك الله اخوي واسعدني مرورك🙂

  10. |:| DUBAI |:| Says:

    الذكرى المختصة بالدراسة دائما تكون عزيزة على القلب : )

    تحياتي لك يا عيون الحب

  11. عيون الحب Says:

    صدقتي يابنت دبي🙂
    تحياتي لج وحياج الله دايما🙂

  12. Hot Chocolate Says:

    لحظات جميلة عزيزتي

    الحمدلله كانت لي الفرصة إني احصل على اللي حصلتي عليه

    لكن المفاجأة لي كانت مفرحة وااااايد لأنه توقيعات المدرسين و الطالبات كانت من تنظيم الطالبات لحفلة التخرج و فاجأونا بهاي الحركة الحلوة .. و معلقه البوستر في الغرفة

    بإذن الله بنزله في المدونة علشان تشاركينا الفرحة شرات ما فرحنا لج عزيزتي

    الأهم الحين إنج تحتفظين في هالكتاب … و ما يكون عرضه للضياع

    ذكريات جدا راااااااااااااااااااااااااائعه

  13. عيون الحب Says:

    حياج الله هوت جوكليت ..
    المفاجأة كانت حيل حلوة والله ..
    والاحساس من اروع مايكون بصراحة ..

    انا قصاصات ورق من ايام الاعدادي والثانوي لين الحين الحمدلله محتفظة فيهم ..

    كل شي عندي الا ذكرياتي ..
    عزيزة على قلبي كثير ..

    في انتظار البوست وحياج الله🙂

التعليقات مغلقة.


%d مدونون معجبون بهذه: