:: الحاسة السادسة ::

by
السلام عليكم
استضافتني وحدة في موضوع تسويه في منتدى وكان موضوع الاستضافه عن الحاسة السادسة
وهالموضوع انا اللي اخترته على أساس انه ميول او فكرة فيني واللي هي فكرة الموضوع
أخليكم مع اللقاء هو اشوي طويل بس اتحملوا اشوي
::
::
RaYoOmツ :
بسم الله الرحمن الرحيم , أول شي أرحب فيج عيون الحب ضيفتنا الثانيه بـ ” ميول و افكار ”

عيون الحب :
هلا حياج الله ريمو .. سعيدة باستضافتكم لي والله
RaYoOmツ :
إحنا أسعد : ) , أول شي حبيت تكلميني عن الموضوع الي إخترتيه .. , يعني عرفينا فيه أول شي و شنو سبب إختيارج و من هالسوالف : )

عيون الحب :
والله موضوعي الحاسة السادسة .. اللي البعض تتواجد عنده بكثرة .. والبعض اشوي .. وكثير يفتقرها

عيون الحب :
اخترتها لاني حسيته موضوع جديد .. شيق .. ولأنه شي اتمتع فيه والحمدلله ومستمتعة بوجوده

RaYoOmツ :
حلو.. , انزين شنو إهيا الحاسه السادسه الي تتمتعين فيها ؟

عيون الحب :
اممم .. يعني احيانا احس انه شخص معين راح يتصل ويصير .. احيانا يدق التيلفون من بعيد واحس انه شخص معين

عيون الحب:
واحيانا يوصلني مسج واكون حاسة من منو
عيون الحب :
واحيانا بعد اعرف شو بيقول الشخص قبل ما يقوله

عيون الحب :
بس مو تخافون مني

RaYoOmツ :
لووووول لا لا ندري فيج مسالمه , زيين شغله حلوه .. , زين عيون قوليلي ليش فضلتي تسمينها ” حاسه ” على غنج تسمينها ميزه مثلاً أو شي ثاني ؟

عيون الحب :
لانه اسم متداول ومعروف عن الكل ..

عيون الحب :
لانه بعد حواسنا الخمس تجي هي السادسة من جي ما غيرت اسمها

RaYoOmツ :
اممممم , كلميني شوي عن مميزات هالحاسه , حاسه إنج مميزه شوي لأنج تتمتلكينها ولا عادي ؟

عيون الحب :
طبعا مميزة .. لاني ممكن اعرف احساس الشخص تجاهي او اللي يبي يقوله من غير ما يقوله

عيون الحب :
يعني مثلا .. كثير في حياتي اواجه ناس كتومة

عيون الحب :
او ما تتكلم عن مشاعرها .. وودها تقول شو اللي تحس فيه

عيون الحب :
هني انا يوصلني احساسهم .. واساعدهم يطلعونه لوول

عيون الحب :
بعد .. تتصل فيني وحدة تكون متضايقة بس ما تبي تظهرلي هالشي عشان ما تكدر
خاطري .. بس انا احس فيها

RaYoOmツ :
ايي عدل كلامج بس هذي نقدر نسميها ميزه أو صفه فيج , لأن الحاسه تعتمد على وجود ماده من خلالها نقدر نحس بـ هالشغله ! .. , يعني مثلاً التذوق لازم يكون عندي ” لسان ” عشان أتذوق طعم الأشياء ؟!

عيون الحب :
صح كلامج

عيون الحب :
احيد وحدة من ربيعاتي سمتني الساحرة .. لانه كل ماتبي تقول شي اقوله قبلها لوول

RaYoOmツ :
لووووول , زين عيون انا ممكن أقولج إن عندي حاسه سادسه , بس ختلف عن الي عندج .. , يعني انا مثلاً أحيانًا يمر مشهد بـ بالي , و عقب جم يوم هالمشهد يصير جدامي – وعلى فكره شي موجود فيني صج –

RaYoOmツ :
يعني ممكن تكون هذي حاسه سابعه مثلاً ؟

عيون الحب :
كيف يعني؟؟ في شغله اسمها ديجي فو .. هذي الظاهرة عبارة عن موقف تشوفينه قدامج او تمرين فيه وتقولين هالموقف تكرر من قبل؟؟ هذا اللي تقصدينه؟

RaYoOmツ :
لا ! .. , الي اقصد ان يمرمشهد ببالي ” بخيالي ” .. , و عقبها هالمشهد يصير جدامي !

عيون الحب :
هذي صارت شعوذة لوول .. امممم انا اتخيل مواقف صح تصير جدامي بس ما تصير في الواقع …

عيون الحب :
مادري عن هالحاسة بصراحة

عيون الحب :
قولي ماشاء الله على عمرج

RaYoOmツ :
لوووووووول لا لا خليتيني مشعوذه ,

عيون الحب :
بعدين بيني وبينج بقولج تتخيليني في موقف اريده عشان يتحقق

RaYoOmツ :
لووووووول

عيون الحب :
سبحان الله كل انسان وله مميزات تختلف من شخص لاخر

RaYoOmツ :
اوكي عيون , انا افضل اسميها ميزه .. , لأن لو فعلاًهذي حاسه جان أوجدها الله سبحانه عند الكل عدل ؟ .. ,

RaYoOmツ :
يعني انا ما اقدر اقول عن شخص ماعنده ” هالميزه إن ناقص نفس الي ماعنده عين مثلاً , لكن أقدر أقول إن هذي ميزه فيج تختلفين فيها عن الناس ؟

عيون الحب :
صح كلامج .. بس احس لو كانت غيرها يمكن اسميها ميزة ..

عيون الحب :
لانه كل البشر عندهم الحواس الخمس

عيون الحب :
والحاسة السادسة بحد ذاتها تعتبر شي فريد

عيون الحب :
لاننا كلنا نتشابه بهالخمس حواس بس

عيون الحب :
فمن اقول انه عندي حاسة سادسة والكل معروف عندهم بس خمس حواس .. كأني بحد ذاتي اقول اني مميزة

RaYoOmツ :
يمكن , وجهة نظر جميله : ) .. ,

RaYoOmツ :
عيون خلينا شوي نطلع من هالنقاش و ندش بغيره .. ,

عيون الحب :
اوكي مب مشكلة

RaYoOmツ :
إنتي تحسين إنج مستفيده من هالحاسه ولا فيها سلبيات ؟

عيون الحب :
صراحة احس انه اللي اشوفه من هالحاسة ايجابيات

عيون الحب :
بس في سلبيات اواجهها بسببها

عيون الحب :
يعني مثلا

عيون الحب :
ممكن واحيانا يخوني الاحساس .. فأكون تأملت شي وحصلت غيره

عيون الحب :
واحيانا .. يعتمدون اني احس ويوصلني اللي يبون يقولونه فيفضلون السكوت .. وانحرم من الكلام الحلو

RaYoOmツ says:
لووووول ,

RaYoOmツ :
لول , وجهة نظر الناس الي حواليج تجاه هالحاسه .. , تحسين انهم مستانسن لأن هالحاسه فيج ولا مضايقتهم شوي ؟

عيون الحب :
والله هيك وهيك

عيون الحب :
الشخص الكتوم يستانس عليها

عيون الحب :
والشخص اللي يبي يقولي شغله مونسته يتضايق لانه الاحساس وصلني قبل ما يتكلم

RaYoOmツ :
لووووول يعني تخربين المفاجأه ها

عيون الحب :
احيد وحدة من ربيعاتي .. لما يدق التيلفون اقولها والله حسيت انج بتتصلين ودوم احس باتصالها .. تقولي طيب طيب .. كرهتني وصارت تكذبني لوول

عيون الحب :
تقولي خلي احساسج لج لوول

عيون الحب :

RaYoOmツ :
لوووووووووووووول , عيون هالحاسه تحسين انها ساعات تغيب وساعات تردولا دايمًا موجوده معاج ؟

عيون الحب :
عادة موجودة دايما .. ونادرا ما تخوني والحمدلله

RaYoOmツ :
الحمدالله , شي حلو .. , زين مرات تصير مع إنسانه مو شايفتها من فتره .. , يعني مثلاً تحسين إنها الحين بتدق عليج مثلاً ؟

RaYoOmツ :
ولا ماصارت معاج من قبل ؟

عيون الحب :
لا .. الاكثر تصير مع الناس اللي حواليني .. يعني اللي علاقتي فيهم تكون من شهور لشهور ما يكون الاحساس هذا متواجد .. وقد يكون معدوم

RaYoOmツ :
امممم , عيون كنتي ويانا ضيفه حلوه و خفيفه .. , و حبيت النقاش وياج .. , كلمه أخيره تحبين تقولينها .. , سؤال كان ودج ينسئل .. إلخ , ؟

عيون الحب :
والله انا الأسعد بصراحة .. حبيت الطرح والاسلوب الراقي اللي عودتينا عليه ..

عيون الحب :
كلمة اخيرة .. بليز لا تخافون مني لوول .. ولا تنسون تقولون ماشاء الله

عيون الحب :
حبيت اقول شغله لوول .. كل من ياخذ رقمي اطلب منه يسميني الساحرة .. وكثير احيانا اتصل على ربيعاتي ويقولون لي صدق انج ساحرة .. توج على بالنا لوول

عيون الحب :
يعني من جهتين ساحرة لوول

عيون الحب :
وماشاء الله علي وعين الحسود فيها ألف عود

عيون الحب :
اشكرج ريمو على اختيارج لي .. وان شاء الله كنت خفيفة وظريفة >> بدت تخور

RaYoOmツ :

ميرسي على وقتج وسوري عالإزعاج
: عيون الحب
لا عادي افا عليج
RaYoOmツ :
شكرا
عيون الحب :
العفو
::
::
بعد ماصار هاللقاء
اختلفت الاراء وقال البعض انه اللي عندي مب حاسة سادسة
والبعض قال انه مجرد احساس عادي اذا بتحسين انه الشخص بيتصل عليج
والبعض قال هذي شعوذة لوول
والبعض الاخر قد لا يؤمنون فيها
او يؤمنون بندرتها
انتوا اشرايكم؟

8 تعليقات to “:: الحاسة السادسة ::”

  1. loco Says:

    walla ana ma ameen enha 7asa cadsa ohwa e7sas 3ady cuz el ensan 3eenda 5 7awas bas bas ma anker etha fee a7ad 3eenda eshya2 aezyada bas 3an 6areeeg el 9eedfa bas fa ana ma ameen enha 7asa sadsa bas e7sas 3ady !

  2. عيون الحب Says:

    هلا اخوي لوكو ..

    يعني كل اللي يصير محض صدفة؟
    لو هالحاسة مب موجودة ماكانوا درسوها ..

    مادري انا بعد اقول احيانا هو يكون احساس عادي .. بس كل مرة عاد؟؟

    وليش ينوجد في ناس وناس لا ؟
    عيل اشلون وحدة من زمان ماكلمتها ..
    اتصل اقولها ليش متضايقة ؟ وتكون فعلا متضايقة ؟؟

    مادري هو في النهاية راي ..
    بس انا اؤمن وبشدة بوجود هالحاسة🙂

    وحياك الله اخوي اسعدني ردك وعساني ما انحرم منه ان شاء الله🙂

  3. فراوله Says:

    مساالحواس الرائعة
    للأحلي عيون حب
    غاليتي ممكن ان يكون مجموعة احاسيس مكنونه بداخلك لذلك تترجمينها الي حاسة سادسه
    واهي قدرات
    ممكن تتواجد عند ناس الله فضلهم علينا بهالشي ويمكن لا
    بس الاهم ان كل واحد وله احاسيسه
    وتختلف وبكمينها من واحد للاخر
    دمت بحب وود وبدون الحاسة السادسة
    🙂

  4. ســالم الامــــارات Says:

    شو هل احساس؟ لايكون انتي ينية وانا مادري لول؟
    زين اعصار جونو عرفتي عنه ولا لا اتوقع انج ملبوسة وفيج ينانوة !؟ جوفي عدالج في حد يالس يمكن لول

  5. barrak Says:

    موضوع جميل
    وبصراحه انا الحاسه السادسه عندي مشلله بالعلالي
    يعني مرات الناس يقولون اني اخرع
    فنصيحه الناس هالايام يخافون من الحاسه السادسه
    اصلا الناس صاروا من كل شي يخافون
    نصيحتي
    حاولي كثر ماتقدرين تحتفظين بهالحاسه النادره بينك وبين نفسك
    والا ترى ماراح تلقين احد يمج

    شعليج بعد لقاءات وحوارات
    الفال لنا انشاء الله

  6. عيون الحب Says:

    فراولة ..

    هلا هلا مساء الخيرات عيوني ..
    هي اكيد مجموعة احساسيس احملها بداخلي واترجمها لشعور ومشاعر للي حواليني ..

    والحمدلله انه بس كذا مب اكثر لاني احس ما بقدر اتحمل لو كنت اقدر احس باشياء ثانية ..

    حياج الله خيتو واسعدني ردج🙂

    ::
    ::

    سالم ؟؟
    هلا اخوي وين الغيبة ؟؟
    دوم اطل عالبلوق ولا شي ..
    عسى ماشر ..

    حياك الله اخوي ..
    ولا والله انا بنية ولست ينية لوول ..
    وجيكت محد عدالي لوول ..
    قول ماشاء الله علي .. اعوذ بالله من عينك😐

    اسعدني ردك ولا تقعطنا بروو🙂

    ::
    ::

    براك ..

    الأجمل ردك اخوي ..
    ههههههههه عيل انا اخوف الحين لوول …
    ان شاء الله بس ترى اقولهم اني حسيت لوول فيعرفون ويخافون لول ..

    لا ان شاء الله هلي وناسي وربعي دوم موجودين وعسى الله مايغير علينا ..

    شفت عاد طلعت شي لوول ..
    حياك الله برو واسعدني تواجدك🙂

  7. ~ مذهلة ~ Says:

    يجيني هالاحساس أحيانا
    وفيه موقف صار لي
    اللي هو مره من المرات كنا جالسين عند التي في وموصل أسلاك كهربا كثيره بالتوصيله

    فقلت ألحين بتنفجر
    وفجاءه دخنت
    وهالموقف ما أنساه مع انه من زمان
    وأكيد الحاسه السادسه حقيقه مو خيالات
    لكـ وديـ

  8. عيون الحب Says:

    مذهله ..

    ههههههههههه عاد خلصت المواقف ما تخيلتي الا هذا ؟؟

    سبحان الله الاحساس يتواجد احيانا ..
    الحمدلله مرت على خير ..
    حياج الله🙂

التعليقات مغلقة.


%d مدونون معجبون بهذه: