:: الحمدلله الله سلّمنا ::

by
السلام عليكم
اليوم صارلي موقف والله خفت بسببه
كنا سايرين بوظبي (المسافة تقريبا نص ساعة) وخط سريع
كنا في السيارة 4 وانا الخامسة وكلنا ماشاء الله الجنس الناعم
فخالتي كانت تسوق على 120 او 130 تقريبا كون الخط سريع
المهم اشوي نشوف وحدة تهرن وتأشر صوبي انا وخالتي لأني كنت قاعدة وراها
كانت تأشر تحت فعّزينا تأشيرتها لسببن
يا الباب مب مسكر
يا عباة وحدة فينا برع
تأكدنا من كل شي وطلع ولا واحد من السببن
احترنا بس شفنا كل شي اوكيك كملنا
لما وصلنا المستشفى عند اخوي مسوي عملية
الا نشوف التاير مبنجر
بالمرة السيارة عالأرض
يعني البنت المسكينة كانت تنبهنا انه التاير مبنجر
ونحن خبر خييير مشينا مسافة 20 دقيقة تقريبا
والله من شفتا التاير قلبنا عورنا
قلنا الحمدلله ان الله سلّمنا
والله كل اشوي قعدنا نتخيل شي
وصدق صدق الله ستر علينا
🙂 الحمدلله يارب
والله يرزقنا بحسن الخاتمة ان شاء الله

14 تعليق to “:: الحمدلله الله سلّمنا ::”

  1. امبراطـــورة اشعاري Says:

    صباح الحب لعيون الحب🙂

    أولا الحمدلله على سلامتكم الحمدلله عدت على خير وثاني مره انتبهوا للسياره قبل تطلعون عليها..

    وسلامات لأخوج مايشوف شر انشالله..

    وسلامات لكم مره ثانيه🙂

  2. charisma Says:

    خطاكم السو

    بس غريبه لان التاير اذا مبنجر
    يبين !! السياره تكون ثقيله والسكان يثقل !! اخاف قصدك التاير فاش يعنى ما فيه هوى بس مو بنجر؟؟

    يستحيل السياره اتبنجر وتقدرون تمشون كل هالمسافه

    الله حفظكم والحمدالله على سلامتكم حبايبى
    وما يشوف شر اخوج
    🙂

  3. عيون الحب Says:

    هلا هلا صباح النور ..
    الله يسلمج يارب ..
    تعرفين مادري اشلون صار الموضوع ..
    خالتي مداومة فيها عادي الصبح وما اشتكت من اي شي ..

    والله يسلمج يارب وحياج الله🙂

    ::
    ::

    كريزما ..

    هلا حياج الله ونورتي ..
    خطاج اللاش🙂

    ترى حتى نحن نفسنا مستغربين ..
    خالتي تقول لو مبنجر التاير او حتى فاش تحس فيه ..
    اشلون صار هالشي كلنا مستغربينه والله ..

    والحمدلله انه عدت على خير صدق خفنا من شفنا التاير ..
    انقهرت ليتني صورته بس راحت علي ..

    بس لو فاش كان عبوه عادي .. بس شفت خالي كان عندهم لما بدلوا التاير لانه حتى ما قدر يوديها الورشة يصلحها ..

    الله يسلمج يارب والشر ما يجيكم ان شاء الله🙂

  4. What Will Be , Will Be .. Says:

    الحمدالله الله عداكم الشر

    وحمدالله على سلامتكم

    عيون الحب حبيبتي
    اول مادشيت البلوق
    مالقيت ولا كلمه مكتوبه

    سويت تظليل على مكان البوست وطلع لي الكلام بالتظليل

    ماادري ليش
    بس لما ادخل البلوق عندج يكون جذي😦

  5. عيون الحب Says:

    هلا وت ول بي ..

    الله يسلمج يارب والشر ان شاء الله ما يجيج ..

    طيب بسألج بس كل بوست ولا بوست اي وبوست لا؟؟

    لأني انا مرة احط البوست ابيض ومرة بنفسجي ..
    فأريد اعرف يمكن الأبيض اللي ما يطلع عندج ..

    قوليلي اذا البوست اللي تحته تشوفينه ولا لا اوكيك؟

  6. loco Says:

    5a6akom el soo wa ma tshoofoon shar

  7. Shaima'a Alkandari Says:

    عيون الحب

    خطاكم السو والحمدلله على سلامة اخوج

    ديروا بالكم وقبل ماتطلعون من البيت جيكو على السياره

  8. عيون الحب Says:

    لوكو ..

    خطاك اللاش بروو ..
    والشر مايجيك ان شاء الله ..

    وحياك الله في مدونتي🙂

    ::
    ::

    شيماء ..

    خطاج اللاش والله يسلمج ان شاء الله🙂

  9. esTeKaNa Says:

    اسم الله عليكم الرحمن الرحيم
    الله حفظكم وما يشوف شر اخوج

    ذكرتيني بمرة واحد لحقنامسافه 15 دقيقه مع امي واحنا مو ملقينا ويه ولا رادين عليه
    مسكين لما طق هرن واستخف
    لقينا انه احنا ناسين نسكر فتحة البانزين تخيلي
    وقفنا ي المحطة وترسنا بانزين ومشينا وما سكرنا الغطا عدل وطار
    لووووووووووول
    اشلون مشينا بالشارع مادري
    والاخ كان ماخذ الغطا ولاحقنا يعطينا اياه واحنا في بالنا واحد ما عنده شغل
    :)))

  10. جنون إحساس Says:

    الحمدلله على السلامة وخطاكم السوو

    آنا عقب المصايب اللي تصير فيني يومياً أجيك ع السياره
    ^_^

  11. عيون الحب Says:

    استكانة ..

    يامرحبا .. الحمدلله والله يسلمج يارب ..
    هههه والله عيال الحرام يغطون على عيال الحرام ..
    يعني هذا المسكين ظنيتوا فيه ظن السوء والسبب الشباب غيرهم اللي يسوون هالحركات ..
    الله ستر عليكم الحمدلله🙂
    وحياج الله وسعيدة بزيارتج🙂

    ::
    ::

    جنون احساس ..

    الله يسلمج يارب وخطاج اللاش ..
    زين تسوين والله🙂
    وعسى الله يحفظنا ان شاء الله ..
    حياج الله عيوني🙂

  12. عابر سبيل Says:

    الحمدلله على سلامتكم
    وأحمد الله أنه ماصارلكم مثل اللي صارلي
    http://aaber.net/?p=43

    وعلى فكرة هناك أنواع من الإطارات من هذا النوع
    وتستخدم مثلا في سيارات البي أم دبليو
    من انتاج بريدجيستون
    يعني الإطار ينفجر لكن يقدر يحمل السيارة لمسافة قد تصل إلى 100 كيلو

    والحمدلله ما كنتوا مسرعين أكثر بعد

  13. عيون الحب Says:

    هلا عابر سبيل ..
    الله يسلمك يارب ..

    والله ستر عليك والله ..
    والحمدلله ع سلامتك ولو انها متأخرة ..
    بس جد الموقف يخوف ..

    بصراحة احس مو شي هالنوعية يعني شو الفايدة السايق ما يحس فيها ويضرب مشوار لدبي مثلا ؟؟

    والحمدلله على كل حال🙂

  14. ~ مذهلة ~ Says:

    الحمدلله على السلامة

    والله يبعد عنكم شر

    ولازم تتأكدون من سلامة السياره قبل

    دمتـِ بخير

التعليقات مغلقة.


%d مدونون معجبون بهذه: